ເປັນ​ຂ່າວ​ໃຫຍ່​ເມື່ອ PC World ລາຍ​ງານ​ວ່າ Intel ວາງ​ແຜນ​ຈະ​ຕິດ​ຕັ້ງ​ຊີ​ພີ​ຍູ​ປະ​ສິດ​ທິ​ພາບ​ສູງ​ທີ່​ມີ​ຊື່​ເອີ້ນວ່າ Knights Landing ລົງ​ໃນ​ເຄື່ອງ​ ເວີກສະ​ເຕ​ຊັ່ນ​ເປັນ​ຈຳນວນ​ຈຳ​ກັດ​ໃນ​​ປີ​ໜ້າ Intel ເຜີຍ​ວ່າ Knights Landing ເປັນ​ຊີ​ພີ​ຍູ​ປະ​ສິດ​ທິ​ພາບ​ສູງ​ທີ່ສຸດ​ເທົ່າ​ທີ່​ເຄີຍ​ມີ​ມາ ດ້ວຍ​ແກນ​ປະ​ມວນ​ຜົນ​ເຖິງ 72 ຄໍ ແລະ​ໂຄງ​ສ້າງ​ພາຍ​ໃນ​ຊິບ​ປະກອບ​ດ້ວຍ​ຊານສ໌​ຊິດ​ເຕີ​ກວ່າ 8 ພັນ​ລ້ານ​ຕົວ ແລະ​ໃນ 2016 ຈະ​ເປັນ​ປີ​ທຳອິດທີ່​ທາງ Intel ປ່ອຍ​ຊີ​ພີ​ຍູ​ພະລັງ​ແຮງ​ສູງ​ນີ້​ລົງ​ສູ່​ເຄື່ອງ​ ເວີກ​ສະ​ເຕ​ຊັ່ນ

ຊີ​ພີ​ຍູ Knights Landing ມີ​ຄວາມ​ໄວ​ໃນ​ການ​ປະ​ມວນ​ຜົນ​ທີ່​ສູງ​ເກີນ​ກວ່າ 3 Teraflops ຊຶ່ງ​ເປັນ​ປະ​ສິດ​ທິ​ພາບ​ທີ່​ໃກ້​ຄຽງ​ຊິບ​ກຣາບ​ຟິກ​ປະ​ສິດ​ທິ​ພາບ​ສູງ​ທີ່​ຢູ່ໃນ​ເຄື່ອງ​ຊຸບ​ເປີ​ຄອມພິວເຕີ​ທີ່​ໄວ​ທີ່ສຸດ​ໃນ​ໂລກ​ເລີຍ​ ລອງ​ຄິດ​ເບິ່ງ​ວ່າ​ຈະ​ສຸດ​ຍອດ​ຂະໜາດ​ໃດ​ຖ້າ​ມີ​ເຄື່ອງ​ຄອມ ທີ່​ຕິດ​ຕັ້ງ​ຊິບ Knights Landing ຢູ່ໃນ​ເຮືອນ​ຂອງ​ເຈົ້າ (ແຕ່​ແນ່ນອນ​ວ່າ​ຄອມເຄື່ອງ​ນັ້ນ​ລາ​ຄາ​ຄືສິແພງຫລາຍ)

ສຳລັບ​ເກມ​ເມີ​ຖ້າ​ມີ Knights Landing ຢູ່​ທີ່​ເຮືອນ​ກໍ​ຄົງ​ຈະ​ມີ​ຄວາມ​ສຸກ​ຫລາຍ​ກັບ​ການ​ຫລິ້ນ​ເກມ​ກຣາບ​ຟິກ​ໂຫດໆ ຢ່າງ Star Wars: Battlefield ໃນ​ແບບ​ປັບ​ອອບ​ຊັ່ນ​ການ​ສະແດງ​ຜົນ​ສູງ​