ສຳນັກຂ່າວຕ່າງປະເທດ ລາຍງານໃນວັນທີ 18 ພະຈິກນີ້ວ່າ ເກີດເຫດຍິງປະທະກັນຢ່າງຮຸນແຮງ ຢູ່ບໍລິເວນເມືອງແຊັງເດີນີ (Saint-Denis) ທາງພາກເໜືອ ຂອງນະຄອນຫລວງປາຣີ ໃນເວລາ 4:40 ໂມງຂອງມື້ນີ້ (18 ພະຈິກ) ຕາມເວລາໃນທ້ອງຖິ່ນ ໃນລະຫວ່າງທີ່ເຈົ້າໜ້າທີ່ຝຣັ່ງ ກຳລັງອອກປະຕິບັດການ ຕາມລ່າຕົວ ຜູ້ວາງແຜນໂຈມຕີປາຣີໃນຄັ້ງຜ່ານມາ ຊຶ່ງໃນເວລາກ່ອນ 8:00 ໂມງ ໄດ້ມີມືລະເບີດຂ້າໂຕຕາຍ ທຳການໂຈມຕີ ຊຶ່ງມີລະເບີດເກີດຂຶ້ນ 6-7 ຄັ້ງ ມີລາຍງານຄົນຮ້າຍ ເສຍຊີວິດ 2 ຄົນ ແລະ ເຈົ້າໜ້າທີ່ຕຳຫລວດຝຣັ່ງ ບາດເຈັບ 2 ຄົນ ໃນນັ້ນມີການຈັບກຸມຄົນຮ້າຍອີກ 3 ຄົນ ປັດຈຸບັນເຈົ້າໜ້າທີ່ຕຳຫລວດ ໄດ້ຄວບຄຸມສະຖານະການໄວ້ໄດ້ແລ້ວ ຫລັງຈາກປະທະກັນດົນເຖິງ 5 ຊົ່ວໂມງ.