ແຫຼ່ງຂ່າວຈາກຕ່າງປະເທດໃຫ້ຮູ້ວ່າ: ໃນວັນຈັນ ທີ 16 ພະຈິກ 2015 ທາງ ຟີຟາ ໄດ້ລົງໂທດສັ່ງຫ້າມ ຫົວໜ້າ ບານເຕະຂອງ ເນປານ ເປັນເວລາ 10 ປີ ແລະ ປະທານ ສະຫະພັນບານເຕະລາວ ອີກ 2 ປີ ໃນຂໍ້ຫາ ຮັບສິນບົນ.
ການລົງໂທດເປັນເວລາ 10 ປີ ແກ່ Ganesh Thapa ປະທານ ສະມາຄົມ ບານເຕະ ຂອງເນປານ ແມ່ນການປ່ຽນໂສມໜ້າໃໝ່ ຂອງພາບພົບ ວົງການບານເຕະ ຂອງປະເທດເນປານ, ເນື່ອງຈາກ ການເຕະບານໃຫນຫຼາຍນັດຜ່ານມາ ແມ່ນມີການພິກລ໋ອກ. ເຊິ່ງທາງ Thapa ໄດ້ຖືກປົດຈາການເປັນຫົວໜ້າສະມາຄົມ ບານເຕະ ເປັນເວລາ 1 ປີຜ່ານມາ, ໄດ້ຖືກຕິດຕາມ ແລະ ກວດສອບ ວ່າມີຄວາມຜິດແທ້ ໃນການ ສໍ້ໂກງເງິນຈຳນວນ 1 ລ້ານໂດລາສະຫະລັດ ໃນຊ່ວງເວລາ 19 ປີ ທີ່ລາວເປັນປະທານສະມາຄົມບານເຕະ ເນປານ.
ຟີຟາບອກວ່າ: Thapa ແມ່ນຖືກຂໍ້ກ່າວຫາຫຼາຍອັນ ທີ່ລວມທັງການກ່ຽວຂ້ອງໃນການຮັບເງິນສົດ ຈາກເຈົ້າໜ້າທີ່ບານເຕະອື່ນໆ, ທັງຕົນເອງ ແລະ ຜ່ານຄອບຄົວ.
ຄະນະກຳມະການ ຮັບຜິດຊອບວຽກງານລະບຽບການຂອງຟີຟາ ຍັງກ່າວວ່າ: Thappa ແມ່ນຍັງຮັບສິນບົນ ໃນການເລືອກຕັ້ງ ຄະນະກຳມະການ ຟີຟາ ໃນຊ່ວງປີ 2009-2011. ໃນການລົງໂທດຄັ້ງນີ້ ລາວຈະຖືກປັບໃໝ 19850 ໂດລາ ສະຫະລັດ.
ນອກນີ້, ຍັງມີກັບຕັນທີມຊາດເນປານ ຊື່ Saga Thapa ແລະ ນັກເຕະອີກ 4 ຄົນ ທີ່ຖືກລົງໂທດ ໃນການລົ້ມບານ ໃນການແຂ່ງຂັນ ບານໂລກ ຮອບຄັດເລືອກ.
ອີກກໍລະນີ ແມ່ນ ປະທານ ສະຫະພັນບານເຕະ ແຫ່ງປະເທດລາວ ທ້າວ ວິເພັດ ສີຫາຈັກ ແມ່ນຖືກລົງໂທດ ສັງຫ້າມ ໃນການແຂ່ງຂັນ ເປັນເວລາ 2 ປີ ເນື່ອງຈາກ ມີການກວດພົບ ວ່າຮັບສິນບົນ ຈາກເຈົ້າໜ້າທີ່ບານເຕະ ອື່ນ ໃນຊ່ວງ ການເລືອກຕັ້ງ FIFA Executive ໃນປີ 2011, ແລະ ຖືກປັບໃໝ່ ເປັນເງິນ 39,700 ໂດລາ ສະຫະລັດ.
ແຫລ່ງຂ່າວ: ໂທລະໂຄ່ງ