ສຳນັກຂ່າວຕ່າງປະເທດ ລາຍງານໃນວັນທີ 17 ພະຈິກນີ້ວ່າ ຜູ້ວ່າການລັດຕ່າງໆ ໃນສະຫະລັດອາເມຣິກາ ຫລາຍກ່ວາສິບລັດ ໄດ້ອອກມາປະກາດ ປິດປະຕູບໍ່ຮັບ ຜູ້ອົບພະຍົບຈາກຊີຣີທັນທີ ພາຍຫລັງເກີດເຫດໂຈມຕີປາຣີ ເມື່ອວັນສຸກທີ 13 ພະຈິກຜ່ານມາ ເນື່ອງຢາກຢ້ານວ່າ ມືລະເບີດຂ້າຕົວຕາຍ ແລະ ຜູ້ກໍ່ການຮ້າຍ ຈະແຝງຕົວປະປົນ ລັກລອບເຂົ້າມາກັບກຸ່ມຜູ້ອົບພະຍົບ.

ບັນດາລັດຕ່າງໆທີ່ປະກາດ ປິດຮັບຜູ້ອົບພະຍົບປະກອບມີ ລັດຊິຊິແກນ, ລັດອະລາບາມາ, ລັດເທັກຊັດ, ລັດແອຣິໂຊນາ, ລັດອາຄັນຊໍ, ລັດຟໍຣິດາ, ລັດຈໍເຈຍ, ລັດອິລິນອຍ ແລະ ລັດອິນເດຍນາ ແລະ ອື່ນໆອີກ.

ທັງນີ້ ການປະກາດປິດຮັບຜູ້ອົບພະຍົບດັ່ງກ່າວ ໄດ້ສວນທາງກັບຄຳປະກາດ ຂອງປະທານາທິບໍດີ ບາຣັກ ໂອບາມາ ທີ່ຈະຮັບເອົາ ຜູ້ອົບພະຍົບຊາວຊີຣີ ປະມານ 10,000 ຄົນ ໃນອີກ 12 ເດືອນຂ້າງໜ້າ.