spot_img
Homeຂ່າວພາຍ​ໃນແຂວງສາລະວັນ ເກັບກ່ຽວເຂົ້ານາປີ ໄດ້ແລ້ວ 50% ທຽບຊ້າກ່ວາປີກາຍ ຍ້ອນຝົນຟ້າບໍ່ອຳນວຍ!

ແຂວງສາລະວັນ ເກັບກ່ຽວເຂົ້ານາປີ ໄດ້ແລ້ວ 50% ທຽບຊ້າກ່ວາປີກາຍ ຍ້ອນຝົນຟ້າບໍ່ອຳນວຍ!

Published on

16

ຂປລ. ທ່ານ ພອນ​ໄຊ ຈັນທະ​ບົວ​ສອນ ຫົວໜ້າ​ຂະ​ແໜງ​ປູກຝັງ ພະ​ແນ​ກກະສິກໍາ ​ແລະ ປ່າ​ໄມ້ ​ແຂວງ​ສາລະ​ວັນ ລາຍ​ງານ​ໃຫ້​ຮູ້​​ ໃນຕົ້ນ​ເດືອນພະຈິກວ່າ: ການ​ເກັບ​ກ່ຽວ ​ມ້ຽນມັດ​ເຂົ້າ ­ຂອງ​ຊາວ​ກະສິກອນ​​ທົ່ວ​ແຂວງ​ ​ແມ່ນ​ໄດ້​ເລີ່ມ​ລົງມື​ ແຕ່ຕົ້ນ​ເດືອ​ນຕຸ­ລາ 2015 ຢ່າງເປັນຂະບວນຟົດຟື້ນ, ຫລາຍ​ເມືອງ​ກໍ​ສໍາ​ເລັດ​ການ​ເກັບ​ກ່ຽວ ​ໂດຍ​ສະ​ເພາະ​ເຂົ້າດໍ, ​ເຂົ້າກາງ ເຊິ່ງ​ມາ​ຮອດ​ປັດຈຸ​ບັນ ​ ​ສາມາດ​ເກັບ​ກ່ຽວ​ຜົນ​ຜະລິດ​ໄດ້ 50% ຂອງ​ເນື້ອ​ທີ່​ເທົ່າ​ກັບ 39.373 ​ເຮັກຕາ, ຜົນ​ຜະລິດ 165.375 ​ໂຕນ ທຽບ​ໃສ່​ໄລຍະ​ດຽວ​ກັນ ​ຂອງ​ແຜນການ​ປີ​ແມ່ນ​ຊັກຊ້າ ​ເນື່ອງ​ຈາກ​​ຝົນຕົກ​ ບໍ່​ທ່ວງ​ທັນ​ກັບ​ລະດູ​ການ, ​ບາງ​ເມືອງ​ຝົນ​ມາ​ຊ້າ ​ແລະ ບາງ​ເມືອງ​ຝົນ​ມາ​ໄວ ບໍ່​ເປັນ​ປົກກະຕິ​ ການ​ປັກ​ດໍາ​ຈຶ່ງ​​ຊັກ​ຊ້າ; ຄາດ​ວ່າການ​ເກັບ​ກ່ຽວ​ຜົນ​ລະ​ລິດ​ເຂົ້າຂອງ​ຊາວ​ກະສິກອນ​ ຈະ​ສໍາ​ເລັ​ດ​ໃນ​ ກາງ​ເດືອນ​ທັນວາ 2015.

ທ່ານ​ຍັງ​ໃຫ້​ຮູ້​ຕື່ມ​ອີກ​ວ່າ: ຕາມການຄາດ​ຄະ­ເນ ​ເນື້ອ­ທີ່​ຜະລິດ​ເຂົ້າ ­​​ທົ່ວ​ແຂວງ​ສູ້​ຊົນ​ໃຫ້​ໄດ້ 82.600 ເຮັກ­ຕາ, ຜົນ​ຜະລິດ​ໃຫ້​ໄດ້ 364.100 ​ໂຕນ, ສະ­ມັດຕະພາບ ​ສະ­ເລ່ຍ​ໃຫ້​ໄດ້ 4,4 ໂຕນ​ຕໍ່​ເຮັກ­ຕາ, ຜ່ານ​ການ­ຈັດ­ຕັ້ງ​ ປະ­ຕິ­ບັດຕົວ​ຈິງ ປະຕິບັດ​ໄດ້ 95,3% ​ເທົ່າ​ກັບ 78.745 ​ເຮັກຕາ, ຕົກກ້າ​ໄດ້ 44.715 ​ເຮັກຕາ​, ​ໄຖ​ຮຸດ 75.935 ​ເຮັກຕາ​ເທົ່າ​ກັບ 96,6%, ປັກ​ດໍາ​ໄດ້ 75.935 ​ເຮັກຕາ​ເທົ່າ​ກັບ 96,6%, ຄາດ​ຄະ​ເນ​ເນື້ອ​ທີ່ ​ເກັບ​ກ່ຽວ​ຕົວ​ຈິງ​ພຽງ 75.935 ​ເຮັກຕາ, ຜົນ​ຜະລິດ 349.900 ​ໂຕນ; ​ເຂົ້າ​ໄຮ່ ​ແຜນ 4.000 ​ເຮັກຕາ, ສະມັດ​ຕະພາບສະ​ເລ່ຍ 2,6 ​ໂຕນ/​ເຮັກຕາ, ປະຕິບັດ​ຕົວ​ຈິງ​ໄດ້ 2.913 ​ເຮັກຕາ​ ຫລຸດ​ແຜນ 30% ຄາດ​ຄະ​ເນ​ເນື້ອ​ທີ່​ ເກັບ​ກ່ຽວ​ຕົວ​ຈິງ  2.913 ​ເຮັກຕາ, ຜົນ​ຜະລິດ 7.172 ​ໂຕນ.

ເຖິງ​ຢ່າງ​ໃດ​ກໍ​ດີ  ຄາດ​ວ່າ​ຜົນ​ຜະລິດ​​ເຂົ້າ ໃນປີນີ້​ທົ່ວ​ແຂວງ​ ຈະ​ໄດ້​ປະມານ 300.000 ກວ່າໂຕນ, ຊາວ​ກະສິກອນ​ສ່ວນ​ໃຫຍ່ ອາດ​ຈະ​ມີ​ເຂົ້າ​ເຫລືອ​ກິນ ​ແລະ ຂາຍ​ເປັນ​ສິນຄ້າ, ​ສືບ​ເນື່ອງ​ມາ​ຈາກ ນະ​ໂຍບາຍ​ຂອງຂັ້ນ​ເທິ​ງ ຊຸກ​ໃຫ້​ຫລາຍ​ເຂດ ​ຜະລິດ​ເຂົ້າ ຂາຍ​ເປັນ​ສິນຄ້າສົ່ງ​ອອກ ​ແລ​ະ ບວກ​ກັບ​ຜົນ​ຜະລິດ ​ທີ່​ງອກ​ງາມ, ການ​ປູກຝັງ ​ຖືກ​ຫລັກ​ວິຊາ​ການ​ຫລາຍ​ຂຶ້ນ ​ແລະ ​ເນື້ອ​ທີ່​ສ່ວນ​ໃຫຍ່ ບໍ່​ຄ່ອຍ​ໄດ້​ຮັບ​ຜົນ​ກະທົບ​ ຈາກ​ໄພ​ທໍ​າມະ​ຊາດ ອີກ​ສ່ວນ​ໜຶ່ງ​ກໍ​ຍ້ອນ ຂະ​ແໜງ​ປູກຝັງ ພະ​ແນ​ກກະສິກໍາ-ປ່າ​ໄມ້ ​ແຂວງ​ສາລະ​ວັນ ​ໄດ້​ເອົາ​ໃຈ​ໃສ່​ຊຸກຍູ້​ ຊາວ​ກະ​ກອນ ​ທໍາ​ການ​ຜະລິດ, ​ພ້ອມ​ທັງແນະ​ນໍາ​ເຕັກນິກ​ ວິຊາ​ການ ​ແລະ ​ສະໜອງ​ແນວ​ພັນ​ເຂົ້າ ທີ່​ມີ​ຄຸນ​ນະພາ​ບສູງ ​ໃຫ້​ແກ່​ຊາວ​ກະສິກໍາ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...