ສຳນັກຂ່າວຕ່າງປະເທດ ລາຍງານໃນວັນທີ 15 ພະຈິກຜ່ານມານີ້ວ່າ ຫວຽດນາມ ແລະ ນິວຊີແລນ ໄດ້ລົງນາມຂໍ້ຕົກລົງ ຮ່ວມກັນຫລາຍສະບັບ ໃນລະຫວ່າງ ການເດີນທາງຢ້ຽມຢາມ ສາທາລະນະລັດສັງຄົມນິຍົມຫວຽດນາມ ຢ່າງເປັນທາງການ ຂອງທ່ານ ຈອນ ຄີ ນາຍົກລັດຖະມົນຕີນິວຊີແລນ ໂດຍພົບປະກັບທ່ານ ຫງວຽນເຕິນຢຸງ ນາຍົກລັດຖະມົນຕີຫວຽດນາມ ແລະ ມີການລົງນາມໃນຂໍ້ຕົກລົງ ເພື່ອຮ່ວມມືກັນໃນຂົງເຂດການສຶກສາ, ການບິນ ແລະ ສາທາລະນະສຸກ ເພື່ອພະຍາຍາມ ເພີ່ມມູນຄ່າດ້ານການຄ້າສອງຝ່າຍ ໃຫ້ບັນລຸ 1.7 ຕື້ໂດລາ ພາຍໃນປີ 2020.