ທ່ານ ບຸນມາ ຈັນທະວົງ ອໍານວຍການບໍລິສັດລາວສະກາຍເວ ໃຫ້ຮູ້ເມື່ອທ້າຍອາທິດຜ່ານມາວ່າ: ພາຍຫລັງເກີດເຫດ ເຮືອບິນໂດຍສານ MA60 ຂອງ ບໍລິສັດລາວສະກາຍເວເຈືອກອອກທາງແລ່ນ ຂອງສະໜາມບິນວັດໄຕ ນະຄອນຫລວງວຽງຈັນ ເມື່ອເວລາປະມານ 14:00 ໂມງຂອງວັນທີ 13 ພະຈິກນີ້, ໂດຍເຮືອບິນລໍາດັ່ງກ່າວ ແມ່ນເດີນທາງມາຈາກແຂວງຫລວງພະບາງ, ຊຶ່ງມຜູ້ໂດຍສານ ແລະ ຈຸບີນລວມທັງໝົດ 31 ຄົນ ໂດຍພາຍຫລັງເຮືອບີນໄດ້ລົງແຕະພື້ນ ທາງແລ່ນຂອງສະໜາມບິນວັດໄຕ ໄດ້ໄລຍະໜຶ່ງ ກໍໄດ້ເກີດເສຍຫລັກເຈຶອກອອກຈາກທາງແລ່ນ ແລະ ໄປຈອດຢູ່ປ່າຫຍ້າຫ່າງຈາກທາງແລ່ນປະມານ 50 ແມັດ, ໂດຍຜູ້ໂດຍສານ ແລະ ຈຸບີນທັງໝົດແມ່ນປອດໄພດີ, ປັດຈຸບັນເຈົ້າໜ້າທີ່ກ່ຽວຂ້ອງ ພວມເລັ່ງຊອກຫາສາເຫດຂອງເຫດການຄັ້ງນີ້.