ໃນຕອນເຊົ້າວັນທີ 13 ພະຈິກ 2015 ນີ້, ຢູ່ທີ່ ຫ້ອງປະຊຸມ ພະແນກສຶກສາທິການ ແລະ ກິລາ ແຂວງຫົວພັນ ໄດ້ເປີດກອງປະຊຸມແລກປ່ຽນບົດຮຽນ 3 ອົງການຈັດຕັ້ງມະຫາຊົນຄື: ຊາວໝຸ່ມ,ແມ່ຍິງ ແລະ ກຳມະບານ ລະຫວ່າງ 3 ອົງການຈັດຕັ້ງຂອງ ພະແນກ ສກຂ ຫົວພັນ ແລະ ວິທະຍາໄລຄູຄັງໄຂ ແຂວງຊຽງຂວາງ, ໂດຍການເຂົ້າຮ່ວມຂອງທ່ານ ສະຫາຍ ມອນສິງ ເພັດວຽງສີ ຄະນະພັກຮາກຖານ ຮອງຫົວໜ້າ ພະແນກສຶກສາທິການ ແລະ ກິລາແຂວງຫົວພັນ ພ້ອມດ້ວຍ 3 ອົງການຈັດຕັ້ງມະຫາຊົນພາຍໃນພະແນກ, ມີທ່ານ ສະຫາຍ ວັນນີ ຢ່າງເຈຍມົວ ເລຂາພັກຮາກຖານ ຜູ້ອຳນວຍການວິທະຍາໄລຄູຄັງໄຂ ແຂວງຊຽງຂວາງ ພ້ອມດ້ວຍ 3 ອົງການຈັດຕັ້ງມະຫາຊົນພາຍໃນ ວິທະຍາໄລຄູຄັງໄຂ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຢ່າງຕັ້ງໜ້າ

ໃນພິທີທ່ານ ສະຫາຍ ມອນສິງ ເພັດວຽງສີ ໄດ້ກ່າວຕ້ອນຮັບດ້ວຍຄວາມຈິງໃຈ ແລະ ອົບອຸ່ນ, ຫຼັງຈາກນັ້ນ 3 ອົງການຈັດຕັ້ງທັງສອງຝ່າຍໄດ້ຂຶ້ນລາຍງານສະພາບຈຸດພິເສດ ແລະ ທີ່ຕັ້ງໃຫ້ກັນຊາບ ພ້ອມດຽວກັນນັ້ນກໍ່ໄດ້ແລກປ່ຽນບົດຮຽນເພື່ອເປັນບົດຮຽນທີ່ດີໃນການຊີ້ນຳໆພາເພື່ອພັດທະນາວຽກງານ 3 ອົງການຈັດຕັ້ງ ລະ ຫວ່າງວິທະຍາໄລຄູຄັງໄຂ ແຂວງຊຽງຂວາງ ແລະ ພະແນກສຶກສາທິການ ແລະ ກິລາແຂວງຫົວພັນ