ການແຂ່ງຂັນຊິງຂັນທ່ານລັດຖະມົນຕີວ່າການກະຊວງສຶກສາທິການ ແລະ ກິລາ The Minister Cup 2015 ຊິງເງິນລາງວັນລວມມູນຄ່າ150ລ້ານກີບ.
ທ່ານ ພັນທະຈິດ ອິນທິລາດ ປະທານບໍລິສັດອິນທຣາຄັອບເປຣຊັ່ນຈຳກັດ ກ່າວວ່າ: ” ການຈັດງານຄັ້ງນີ້ເປັນການສ້າງການເຄື່ອນໄຫວໃຫ້ບັນດາສະໂມສອນຕ່າງໆໄດ້ແຂ່ງຂັນຢ່າງຕໍ່ເນື່ອງ ກວ່າລາວພຣີເມຍລີກຈະເລີ່ມຂື້ນ ບັນດານັກກິລານໍ້າໜັກອາດຈະຂື້ນ ສະນັ້ນໃນໄລຍະພັກການແຂ່ງຂັນລາວລີກນີ້ພວກເຮົາຕ້ອງມີການເຄື່ອນໄຫວ ”
ນອກຈາກນີ້ທ່ານໄດ້ກ່າວວ່າການແຂ່ງຂັນຄັ້ງນີ້ເປັນການສ້າງຂະບວນການໂດຍສະເພາະການແຂ່ງຂັນກິລາບານເຕະເພື່ອຕ້ອນຮັບ 2 ວັນປະຫວັດສາດ.
ທ່ານ ສົມພູ ພົງສາ ຮອງປະທານ ແລະເລຂາທິການ ຄະນະກຳມະການໂອແລມປີກແຫ່ງຊາດລາວ ກ່າວວ່າ : ” ກ່ອນອື່ນຂໍສະແດງຄວາມຊົມເຊີຍນໍາແນວຄິດພັດທະນາຂອງຄະນະຈັດການແຂ່ງຂັນ ໂດຍສະເພາະປະທານສະໂມສອນລ້ານຊ້າງ ຢູໄນເຕັດທີ່ຢາກພັດທະນາວົງການກິລາບານເຕະໃນລາວເຮົາ, ຂໍຍ້ອງຍໍຊົມເຊີຍບັນດາທີມຕ່າງໆທີ່ເຂົ້າຮ່ວມການແຂ່ງຂັນ ” ແລະ ທ່ານຍັງຕາງໜ້າຄະນະຈັດການແຂ່ງຂັນສະແດງຄວາມຂອບໃຈຜູ້ສະໜັບສະໜູນການແຂ່ງຂັນທຸກພາກສ່ວນ ທີ່ເຮັດໃຫ້ງານນີ້ເກີດຂື້ນມາໄດ້ ແລະ
ທ່ານຍັງໄດ້ເນັ້ນໜັກໃນເລື່ອງຂອງການແຂ່ງຂັນ ຢາກໃຫ້ເອົາໃຈໃສ່ຮ່ວມກັນ ຢາກໃຫ້ບັນດາສະໂມສອນແຂ່ງຂັນຢ່າງມີເປົ້າໝາຍ ແຂ່ງຂັນແລ້ວໃຫ້ສາມາດສານຕໍ່ໃຫ້ໄດ້ໃນເລື່ອງຂອງການພັດທະນາ.
ການແຂ່ງຂັນມີ 2 ກຸ່ມ, ຄືກຸ່ມ A ແລະ B ລວມທັັງໝົດແມ່ນມີ 8 ທີມທີ່ລົງແຂ່ງຂັນໃນຄັ້ງນີ້
Group A :
LAO POLICE FC
JDB
LANEXANG UNITED
SAVAN FAMILY FC
Group B :
TWENTYSIX UNITED
LAO ARMY
EZRA FC
IDSEA CHAMPASAK FC