ລິໂອເນລ ເມສຊີ ຊຸບເປີສະຕາແຫ່ງວົງການບານເຕະຂອງບາເຊໂລນາ ແລະ ທີມຊາດອາກຊັງຕິນ ໄດ້ຮັບການສະເໜີເຂົ້າຊິງລາງວັນນັກກິລາດີເດັ່ນແຫ່ງປີຂອງ ສະປອຣ໌ດ ອິລລັສເທຣດ ວາລະສານຊື່ດັງຂອງອາເມລິກາ ແຕ່ວ່າຕ້ອງຕໍ່ສູ້ກັບກິລາອື່ນໃນການຊິງລາງວັນໃນຄັ້ງນີ້ລວມໄປເຖິງກິລາແຂ່ງມ້າ

ສະປອຣ໌ດ ອິລລັສເທຣດ ໄດ້ເປີດເຜີຍຊື່ຜູ້ເຂົ້າຊິງລາງວັນນັກກິລາດີເດັ່ນແຫ່ງປີ 2015 ອອກມາຢ່າງເປັນທາງການແລ້ວ ເຊີ່ງກໍ່ມີທັງຍິງແລະຊາຍ ໃນນັ້ນນຳໂດຍ ເມສຊີ ສຸດຍອດນັກເຕະຈາກ “ບາຊາ”, ອູເຊນ ໂບລ ຊາຍທີ່ໄວທີ່ສຸດໃນໂລກຈາກ ຈາໄມກາ, ຈໍແດນ ສະປິດ ນັກກ໊ອບມືອັນດັບ 1 ຊາວອາເມລິກາ, ຣອນດາ ເຣົາຊີ ນັກສູ້ສາວໂຫດຈາກ UFC, ເຊເຣນາ ວິນລຽມ ນັກເທນນີສທີ່ແຂງແກ່ນ, ທີມເບສບອນ ແຄນຊັສ ຊີຕີ ຣໍຍັລ, ຄາລີ ລອຍ ນັກເຕະບານຍິງທີມຊາດອາເມລິກາ

ແຕ່ວ່າສີ່ງທີ່ປະຫຼາດທີ່ສຸດຄືງານນີ້ມີການບັນຈຸຊື່ “ອາເມລິກາ ຟາໂຣ” ມ້າແຂ່ງທີ່ດີເດັ່ນເຈົ້າຂອງແຊ້ມ ແກຣນ ສະແລມ ອອຟ ອາເມລິກາ ເປັນໜື່ງໃນຜູ້(ໂຕ)ເຂົ້າຊິງນຳອີກ ເຊີ່ງຖືວ່າບໍ່ຜິດກົດລະບຽບການສະເໜີຊື່ແຕ່ຢ່າງໃດ ເພພາະກົດລະບຸວ່າເຖິງຈະແມ່ນສັດກໍ່ສາມາດເຂົ້າຮ່ວມແຂ່ງຂັນໄດ້ຖ້າມີຜົນງານ