ສຳນັກຂ່າວຕ່າງປະເທດ ລາຍງານໃນວັນທີ 13 ພະຈິກນີ້ວ່າ ເກີດເຫດນ້ຳຖ້ວມຢ່າງວ່ອງໄວ ໃນຫລາຍພື້ນທີ່ຂອງປະເທດອີຣ່ານ ສົ່ງຜົນເຮັດໃຫ້ມີຜູ້ເສຍຊີວິດ ຢ່າງໜ້ອຍ 15 ຄົນ ຊຶ່ງເປັນຜົນມາຈາກ ຝົນຕົກລົງຢ່າງໜັກ ໃນພື້ນທີ່ຫລາຍແຂວງ ທາງພາກຕາເວັນຕົກຂອງປະເທດ ຊຶ່ງຜູ້ຊ່ຽວຊານຈາກ ສຳນັກງານອຸຕຸນິຍົມວິທະຍາແຫ່ງຊາດອີຣ່ານ ໄດ້ອອກມາລະບຸວ່າ ສະພາວະອາກາດຮຸນແຮງທີ່ເກີດຂຶ້ນ ແມ່ນເກີດຈາກຜົນພວງປະກົດການແອວນິໂຢ ທີ່ເຮັດໃຫ້ດິນຟ້າອາກາດປ່ຽນແປງ ເປັນຄັ້ງທຳອິດ ນັບແຕ່ປີ 1950 ເປັນຕົ້ນມາ.