ການເປັນ Startup ນັ້ນບໍ່ງ່າຍ? ນອກຈາກຈະມີໂປດັກສຸດຍອດແລ້ວ ຍັງຕ້ອງຂາຍຂອງເປັນ ເພາະລູກຄ້າຄົນທຳອິດທີ່ມີສ່ວນສຳຄັນໃນການພັດທະນາຕໍ່ຍອດ Startup ໃຫ້ປະສົບຄວາມສຳເລັດກໍຄື ‘ນັກລົງທຶນ’ ນັ້ນເອງ ຊຶ່ງເວລາທີ່ໃຊ້ນຳສະເໜີຕໍ່ຫລື ‘Pitching’ ກໍບໍ່ເອື້ອໃຫ້ໄດ້ພຣີເຊັນທຸກລາຍລະອຽດແບບຄ່ອຍເປັນຄ່ອຍໄປ ເພາະມີເວລາພຽງ 3 ນາທີເທົ່ານັ້ນ! ຜູ້ນຳສະເໜີແຕ່ລະຄົນຈຶ່ງຕ້ອງຝຶກຝົນສິນລະປະການເວົ້າແລະກຽມຄວາມພ້ອມເພື່ອພິຊິດໃຈເປົ້າໝາຍໃນເວລາອັນແສນສັ້ນ ສ່ວນຕ້ອງໃຊ້ກົນລະຍຸດຫຍັງນັ້ນ ໄປເບິ່ງກັນເລີຍ!
ບອກຂໍ້ມູນສຳຄັນໃຫ້ຄົບຈົບໃນສະໄລດ໌
ເມື່ອຢູ່ຕໍ່ໜ້ານັກລົງທຶນຕ້ອງຕອບຄຳຖາມເຫລົ່ານີ້ໃຫ້ໄດ້ ເຊັ່ນ
ໂປດັກແກ້ໄຂບັນຫາຫຍັງ?
ໃຜຄືລູກຄ້າ?
ມີແຜນທາງການຕະຫລາດຢ່າງໃດ?
ແຕກຕ່າງຈາກຄູ່ແຂ່ງໃນທ້ອງຕະຫລາດຢ່າງໃດ?
ເຫັນໂອກາດທາງທຸລະກິດຫລາຍໜ້ອຍຊ່ຳໃດ?
ເພີ່ມລູກຫລິ້ນນຳສະເໜີທີ່ໜ້າສົນໃຈ
ນອກຈາກການນຳສະເໜີຂໍ້ມູນຢ່າງກົງໄປກົງມາ ຫລືແຍກເປັນຫົວຂໍ້ ອາດເພີ່ມລູກຫລິ້ນໃຫ້ການນຳສະເໜີໜ້າສົນໃຈຫລາຍຂຶ້ນ ເຊັ່ນ ການໃຊ້ ‘Mad Libs’ ຫລືການຮ້ອຍປະໂຫຍກເປັນເລື່ອງລາວສັ້ນໆ ໂດຍແຕ່ລະປະໂຫຍກໃຫ້ເຕີມຄຳທີ່ມີໃຈຄວາມສຳຄັນລົງໄປ
ໂຟກັດນັກລົງທຶນທີ່ເຂົ້າກັບໂປດັກ
ນັກລົງທຶນແລະກອງທຶນຕ່າງໆ ມັກມີແນວທາງການລົງທຶນທີ່ແຕກຕ່າງກັນ ເຊັ່ນ ນັກລົງທຶນບາງລາຍສົນໃຈໂປດັກປະເພດເກມ ບາງເຈົ້າສົນໃຈໂປດັກກ່ຽວກັບເທກໂນໂລຍີ ການແພດ ແລະ ອາຫານ ຫລືອະສັງຫາລິມາຊັບ ການເຂົ້າຫານັກລົງທຶນທີ່ມີແນວໂນ້ມສົນໃຈໂປດັກປະເພດດຽວກັນກັບ Startup ທີ່ເຮັດຢູ່ ຈະເພີ່ມໂອກາດໃນການ
ປະສົບຄວາມສຳເລັດຫລາຍຂຶ້ນ