ໃນ​ທີ່ສຸດ Apple ກໍ​ປ່ອຍ  Apple Music ລົງ Android ແລ້ວ ນັບ​ເປັນ​ແອັບ ທີ່​ສອງ​ຂອງ Apple ທີ່​ລົງ​ເທິງ Google Play (ກ່ອນ​ໜ້າ​ນີ້​ມີ​ແອັບ move to iOS ທີ່​ຖືກສາວົກແອນດຣອຍພ້ອມໃຈກັນໃຫ້ດາວດຽວ​

Apple Music ເທິງ​ແອ​ນດຣອຍ ຍັງ​ຄົງ​ເປັນ​ເວີລ໌​ຊັ່ນ Beta ເທົ່າ​ນັ້ນ ທົດລອງ​ໃຊ້​ງານ​ບໍລິການ​ໄດ້​ຟຣີ 3 ເດືອນ ຫລັງ​ຈາກ​ນັ້ນ​ຄິດ​ຄ່າ​ບໍລິການ​ເດືອນ​ລະ $10 ເຊັ່ນ​ດຽວ​ກັບ​ເທິງ iOS ການ​ຟັງ​ເພງ​ເຮັດ​ໄດ້​ສົມບູນ​ແບບ ແຕ່​ໃນ​ສ່ວນ​ຂອງ Music video ຍັງ​ບໍ່​ເປີດ​ໃຫ້​ໃຊ້​ງານ ທັງ​ນີ້​ທີມ​ງານ​ລາວໂພດຕ໌​ລອງ​ໃຊ້​ງານ​ເທິງ Android ແລ້ວ ພົບ​ວ່າ​ຟັງ​ໄດ້​ລື່ນ​ໄຫລ ແຕ່​ມີ​ບັນຫາ​ເວລາ​ປ່ຽນ​ອາລະ​ບຳ ຈະ​ດາວໂຫລດ​ຂ້ອນ​ຂ້າງ​ໃຊ້ເວລາ ອີກ​ໜຶ່ງ​ບັນຫາ ຄື ການ​ລົງ​ທະ​ບຽນ Family Sharing ຍັງ​ຄົງ​ຕ້ອງ​ເຮັດ​ຜ່ານ Mac ຫລື iOS ໃຜ​ສົນ​ໃຈ​ທົດສອບ​ໃຊ້​ບໍລິການ​ກໍ​ເຂົ້າໄປ​ດາວ​ໂຫລດ​ມາ​ລອງ​ໃຊ້​ກັນ​ໄດ້​ເລີຍ ຜ່ານ Google Play