ສຳນັກຂ່າວຕ່າງປະເທດລາຍງານໃນວັນທີ 12 ພະຈິກນີ້ວ່າ ທ່ານ ດິມິທຣີ ອັບຣາໂມພູລອດ ກຳມາທິການດ້ານຜູ້ອົບພະຍົບ ປະຈຳສະຫະພາບເອີຣົບ ຫລື ອີຢູ ໄດ້ເປີດເຜີຍວ່າ ກອງປະຊຸມສຸດຍອດລະຫວ່າງ ທະວີບເອີຣົບ ແລະ ທະວີບອາຟຣິກາ ຊຶ່ງມີຜູ້ນຳ 50 ປະເທດຂອງທັງສອງທະວີບເຂົ້າຮ່ວມ ທີ່ນະຄອນຫລວງວັນເລດຕາ ປະເທດມອນຕາ ໃນມື້ວານນີ້ (11 ພະຈິກ) ກຸ່ມຜູ້ນຳຈາກທະວີບເອີຣົບ ໄດ້ສະເໜີເງິນຊ່ວຍເຫລືອ 3,6 ຕື້ເອີໂຣ ເພື່ອຄຸ້ມຄອງຜູ້ລີ້ໄພ ແລະ ຈັດສົ່ງຜູ້ອົບພະຍົບກັບຄືນຖິ່ນຖານເດີມ ເພື່ອແກ້ໄຂວິກິດການຜູ້ອົບພະຍົບ ທີ່ຫລັ່ງໄຫລເຂົ້າທະວີບເອີຣົບ ຫລາຍທີ່ສຸດເປັນຄັ້ງປະຫວັດການ ນັບຕັ້ງແຕ່ຍຸກສົງຄາມໂລກຄັ້ງທີ 2 ເປັນຕົ້ນມາ.