ຂປລ. ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມ ຫາລືການສ້າງຫລັກສູດ ປະລິນຍາໂທວິທະຍາສາດສັງຄົມ ສາຂາປະຊາກອນ ແລະ ການພັດທະນາ ຂຶ້ນໃນວັນທີ 10 ພະຈິກ 2015 ນີ້ຢູ່ນະຄອນຫລວງວຽງຈັນ ເພື່ອລະດົມແນວຄິດ ແລະ ແລກປ່ຽນແນວຄວາມຄິດກ່ຽວກັບ ການສ້າງ ຫລັກສູດປະລິນຍາໂທດັ່ງກ່າວ, ໂດຍການຊ່ວຍເຫລືອດ້ານເຕັກນິກ ໃນຂະບວນການ ສ້າງຫລັກສູດປະລິນຍາໂທນີ້ ຈາກອົງການສະຫະປະຊາຊາດ ກອງທຶນ ສຳລັບປະຊາກອນ (UNFPA) ຖືເປັນການປະກອບສ່ວນສຳຄັນ ເຂົ້າໃນການພັດທະນາ ເສດຖະກິດ–ສັງຄົມ ແຫ່ງຊາດ.
ທ່ານສາດສະດາຈານ ດຣ.ຄຳມະນີ ສຸລິເດດ ຮອງຄະນະບໍດີ ຄະນະວິທະຍາສາດສັງຄົມ ກ່າວວ່າ: ຍ້ອນເຫັນໄດ້ຄວາມສຳຄັນ ແລະ ຄວາມຮຽກຮ້ອງ ຕ້ອງການຂອງສັງຄົມ ນັບມື້ຫລາຍຂຶ້ນ, ຜົນປະໂຫຍດ ແລະ ສິ່ງທ້າທາຍ ຂອງບັນຫາປະຊາກອນ, ການຄຸ້ມຄອງປະຊາກອນ ໃຫ້ສອດຄ່ອງກັບການ ຂະຫຍາຍຕົວຂອງ ເສດຖະກິດ–ສັງຄົມ ໃນປັດຈຸບັນ ມັນຈຶ່ງມີຄວາມຈຳເປັນ ທີ່ຈະຕ້ອງຂະຫຍາຍຫລັກສູດປະລິນຍາໂທຕື່ມອີກ ກໍຄືສາຂາວິຊາປະຊາກອນ ແລະ ການພັດທະນາ ຢູ່ທີ່ຄະນະວິທະຍາສາດສັງຄົມ – ມະຫາວິທະຍາໄລແຫ່ງຊາດ.
ແຫລ່ງຂ່າວ:
