spot_img
Homeວິທະຍາສາດ-ວິທະຍາການໜູທີ່ມີອາຍຸຫຼາຍດື່ມແຊມເປນ 3 ເທື່ອຕໍ່ອາທິດ ຊ່ວຍນຳທາງໄດ້ດີຂຶ້ນ

ໜູທີ່ມີອາຍຸຫຼາຍດື່ມແຊມເປນ 3 ເທື່ອຕໍ່ອາທິດ ຊ່ວຍນຳທາງໄດ້ດີຂຶ້ນ

Published on

30329e8e158203a2be4fde54eb87b69a

ງານ​ວິ​ໄຈ​ໃໝ່ ສະແດງ​ໃຫ້​ເຫັນ​ວ່າ ກົດ​ຟີ​ນໍ​ລິກ (phenolic acids) ຊຶ່ງ​ມີ​ຢູ່ໃນ​ແຊມ​ເປນ​ນັ້ນ​ອາດຈະ​ເປັນ​ປະໂຫຍດ​ຕໍ່​ຄວາມ​ເສື່ອມ​ຂອງ​ລະບົບ​ປະສາດ​ຊຶ່ງ​ມີ​ສາ​ເຫດ​ມາ​ຈາກ​ອາ​ຍຸ​ທີ່​ເພີ່ມ​ຂຶ້ນ

ນັກ​ວິ​ໄຈ​ເຮັດ​ການສຶກສາ ໂດຍ​ໃຫ້​ໜູ​ທີ່​ມີ​ອາ​ຍຸ​ຫລາຍ​ດື່ມ​ແຊມ​ເປນ​ເປັນ​ເວລາ 6 ອາທິດ ໃນ​ຂະນະ​ທີ່​ກຸ່ມ​ທົດລອງ​ໄດ້ຮັບ​ພຽງ​ອາຫານ​ເສີມ​ທີ່​ມີ​ແອນ​ກໍຮໍ ຜົນ​ປາກົດ​ວ່າ ໜູ​ທີ່​ໄດ້ຮັບ​ແຊມ​ເປນ​ສະແດງ​ໃຫ້​ເຫັນ​ເຖິງ​ການ​ພັດທະນາ​ຄວາມ​ຈຳ​ລະ​ດັບ​ໃຊ້​ງານ​ເຊີງ​ພື້ນ​ທີ່ (spatial working memory) ເມື່ອ​ທຽບ​ກັບ​ໜູ​ໃນ​ກຸ່ມ​ຄວບ​ຄຸມ

ຜົນ​ທີ່ເກີດຂື້ນ​ນີ້​ມີ​ການ​ເຊື່ອມ​ໂຍງ​ເຖິງ​ສະແດງ​ອອກ​ຂອງ​ກົດ​ຟີ​ນໍ​ລິກ ຊຶ່ງ​ເປັນ​ສານ​ຕ້າ​ອາ​ນຸ​ມູນ​ອິດສະຫລະ​ທີ່​ຊ່ວຍ​ຄຸ້ມກັນ​ສິ່ງ​ມີ​ຊີວິດ​ຈາກ​ພາ​ວະ​ອັອກ​ຊິ​ເດ​ຊັນ​ທີ່​ຫລາຍ​ເກີນ​ໄປ (oxidative stress) ນຳ​ມາ​ຊຶ່ງ​ຄວາມ​ເສຍ​ຫາຍ​ແກ່​ເຊລ໌​ໄດ້

ການສຶກສາ​ສ່ວນ​ໃຫຍ່​ມັກ​ລາຍ​ງານ​ວ່າ “ດື່ມ​ແຊມ​ເປນ​ສາມາດ​ປ້ອງ​ກັນ​ພະຍາດ​ອັນ​ໄຊ​ເມີ​ໄດ້” ແຕ່​ນັ້ນ​ກໍ​ເບິ່ງ​ຈະ​ເປັນ​ການ​ສະຫລຸບ​ທີ່​ຜິດ​ຫລັກ​ເກີນ​ໄປ​

ຜູ້​ອ່ານ​ງານ​ວິ​ໄຈ​ບໍ່​ຄວນ​ຈິ​ນຕະ​ນາ​ການ​ວ່າ “ແຊມ​ເປນ​ເປັນ​ຢາ​ອາ​ຍຸ​ຍືນ​ທີ່​ດີ​ຕໍ່​ສຸກຂະພາບ” ເພາະ​ກົດ​ຟີ​ນໍ​ລິກ ສາມາດ​ພົບ​ໄດ້​ໃນ​ກາ​ເຟ, ຊາ, ອະງຸ່ນ, ບຣູ​ເບີ​ລີ່, ກີ​ວີ, ລູກ​ພຳ, ເຊີ​ລີ່, ຫມາກໄມ້​ທີ່​ມີ​ລົດ​ສົ້ມ, ໄວນ໌​ແດງ, ເຂົ້າ​ໂພດ, ແລະ​ ພືດ​ອື່ນ ໆ ອີກ​ຫລວງຫລາຍ ທັງ​ກົດ​ຟີ​ນອນ​ນີ້​ຍັງ​ພົບ​ໄດ້​ໃນ​ຍ່ຽວ​ຂອງ​ມະນຸດ​ອີກ​ດ້ວຍ

ຈາກ​ການ​ກວດ​ສອບ​ພົບ​ວ່າ ກົດ​ຟີ​ນອນ​ສົ່ງ​ຜົນ​ໂດຍ​ກົງ​ຕໍ່​ຮິບ​ໂປ​ແຄມ​ປັດ (Hippocampus)ຊຶ່ງ​ເປັນ​ສ່ວນຫນຶ່ງ​ຂອງ​ສະຫມອງ​ທີ່​ເຊື່ອມ​ໂຍງ​ກັບ​ການສ້າງ​ຄວາມ​ຈື່​ຈຳ​ໃໝ່ ເຖິງແມ່ນວ່າ​ຜົນ​ທີ່​ໄດ້​ນີ້​ຈະ​ເປັນ​ຄວາມ​ຮູ້​ທີ່​ສຳຄັນ ແຕ່​ສານ​ດຽວ​ກັນ​ນີ້​ອາດ​ບໍ່​ໄດ້​ຜົນ​ໃນ​ຄົນ​ເຊັ່ນ​ດຽວ​ກັນ​ກັບ​ທີ່​ພວກເຂົາ​ເຮັດ​ໃນ​ໜູ

ດຣ.David Vauzour ໜຶ່ງ​ໃນ​ນັກ​ວິ​ໄຈ​ຂອງ​ການສຶກສາ​ນີ້​ກ່າວ​ວ່າ “ໃນ​ອະນາຄົດ​ອັນ​ໃກ້​ເຮົາ​ອາດຈະ​ເບີ່ງ​ໄປ​ເຖິງ​ການເຮັດ​ວິ​ໄຈ​ນີ້​ໃນ​ມະນຸດ ຫາກ​ສຳ​ເລັດ​ເຮົາ​ອາດຈະ​ໄດ້​ອາຫານ​ຈຳ​ພວກ​ທີ່​ມີ​ໂພ​ລິ​ຟີ​ນອນ​ເພີ່ມ​ຫລາຍ​ຂຶ້ນ ແລະ​ເຮົາ​ຄາດ​ການ​ວ່າ​ຜົນ​ລັບ​ທີ່​ຄ້າຍ​ກັນ​ກັບ​ການບໍ​ລິ​ໂພກ​ແຊມ​ເປນ​ນີ້​ຈະ​ເປັນ​ຄວາມ​ຮູ້​ຄວາມ​ເຂົ້າໃຈ​ໃນ​ມະນຸດ​ຕໍ່ໄປ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...