ໃນທ້າຍອາທິດຜ່ານມານີ້, ທີ່ກະຊວງການຕ່າງປະເທດ, ທ່ານຮອງນາຍົກລັດຖະມົນຕີລັດຖະມົນຕີວ່າການກະຊວງການຕ່າງປະເທດ ທອງລຸນ ສີສຸລິດ ໄດ້ເປີດກາໝາຍ, ຄໍາ​ຂວັນ ​ແລະ ​ເວັບ​ໄຊການ​ເປັນ​ປະ ທານ​ອາ​ຊຽນຂອງ ສປປ ລາວ​ ໃນ​ປີ 2016 ຢ່າງ​ເປັນ​ທາງ​ການ, ເຊິ່ງກາໝາຍດັ່ງກ່າວໄດ້ຖືກອອກແບບ ຢ່າງສວຍງາມ ແລະ ມີເນື້ອໃນບົ່ງບອກເຖິງ ຄວາມຫລາກຫລາຍທາງດ້ານເສດຖະກິດ, ສັງຄົມ-ວັດທະນະທໍາ ແລະ ການຮ່ວມມືຂອງພາກພື້ນອາຊຽນ. ສ່ວນຄວາມຄືບໜ້າການກະກຽມຄວາມພ້ອມ ໃນການເປັນເຈົ້າພາບກອງປະຊຸຸມແລະ ເປັນປະທານອາຊຽນໃນປີ 2016 ນັ້ນ, ເຫັນວ່າມາຮອດປັດຈຸບັນ, ​ໄດ້​ມີ​ຄວາມ​ຄືບ​ໜ້າໃນ​ຫລາຍ​ດ້ານ ​ເປັນ​ຕົ້ນ​ແມ່ນ​ສໍາ​ເລັດການ​ກໍານົດ​ວັນ​ເວລາ ​ໃນ​ການ​ຈັດ​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ ອາ​ຊຽນ​ແບບ​ວົງ​ແຄບ, ກອງ​ປະຊຸມ​ລັດຖະມົນຕີ​ຕ່າງປະ​ເທດ​ອາ​ຊຽນຄັ້ງ​ທີ 49​ ແລະ ກອງ​ປະຊຸມ​ທີ່​ກ່ຽວຂ້ອງ​ອື່ນໆ, ພ້ອມ​ນັ້ນ​ກໍ​ສໍາ​ເລັດ​ການ​ກໍານົດ​ຂົງ​ເຂດ​ ບູລິ​ມະ​ສິດ​ສໍາລັບ​ການ​ເປັນ​ປະທານ​ອາ​ຊຽນຂອງ ສປປ ລາວ.