ສະຫະພັນບານເຕະອາຊຽນ ຫຼື ເອເອຟເອຟ ກຽມຢື່ນຂໍ້ສະເໜີໃຫ້ປັບຫຼຸດອາຍຸນັກເຕະໃນການແຂ່ງຂັນບານເຕະ ຊີເກມ 2017 ທີ່ມາເລເຊຍ ຈາກອາຍຸບໍ່ເກີນ 23 ປີ ເປັນບໍ່ເກີນ 21 ປີ ເພື່ອໃຫ້ສອດຄ່ອງກັບການແຂ່ງຂັນອາຊຽນເກມ ແລະ ໂອແລມປິກເກມ ປີ 2020

ສຳນັກຂ່າວ ເປຕາລິງ ຈາຢາ ຂອງມາເລເຊຍ ລາຍງານວ່າ ທ່ານ ດາໂຕ໊ະ ອັດຊຸດດິນ ອາຫມັດ ເລຂາທິການໃຫຍ່ຂອງສະຫະພັນບານເຕະອາຊຽນ ຫຼື ເອເອຟເອຟ ໄດ້ອະທິບາຍເຖິງເຫດຜົນຄວາມຕ້ອງການທີ່ຈະຫຼຸດລັບດັບອາຍຸນັກເຕະໃນການແຂ່ງຂັນຊີເກມຄັ້ງທີ 29 ທີ່ນະຄອນຫຼວງກຸລາລຳເປີ ທີ່ປະເທດມາເລເຊຍ ປີ 2017 ວ່າ: ເພື່ອໃຫ້ມມີການພັດທະນາເຍົາວະຊົນຢ່າງຕໍ່ເນື່ອງ ເຮົາຕ້ອງໃຫ້ມີການພັດທະນາເດັກ ແລະ ເຍົາວະຊົນໃນຂົງເຂດອາຊຽນ, ຍັງຄົງມີຊ່ອງຫວ່າງໃນກຸ່ມລະດັບ ຢູ-21 ເຊີ່ງໃນການແຂ່ງຂັນຊີເກມຊ່ວຍເຕີມເຕັມໃຫ້ໄດ້ ແລະ ຊີເກມຍັງມີໂອກາດເປັນສ່ວນໜື່ງໃນການຊ່ວຍທີມໃນລະດັບອາຊຽນ ກຽມທີມໄປແຂ່ງຂັນຮອບຄັດເລືອກ ການແຂ່ງຂັນໂອແລມປິກເກມ ປີ 2020 ທີ່ຢີ່ປຸ່ນໄດ້ເຊັ່ນດຽວກັນ

ທັງນີ້ ການແຂ່ງຂັນໂອແລມປິກເກມ ປີ 2020 ຮອບຄັດເລືອກຈະແຂ່ງຂັນໃນປີ 2019, ເຊີ່ງຜູ້ຫຼີ້ນແມ່ນຊຸດຢູ-21 ຈາກປີ 2017 ມີໂອກາດທີ່ຈະກ້າວຂື້ນມາເປັນຊຸດສຳຄັນໃນການແຂ່ງຂັນໃນໂອແລມປິກຮອບຄັດເລືອກ ໂດຍປະຈຸບັນມີພຽງຮຸ່ນ ຢູ-17 ແລະ ຢູ-19 ເທົ່ານັ້ນ ສ່ວນການແຂ່ງຂັນ ເອເອຟເອຟ ຊູຊຸກິ ຄັບ ກໍ່ມີໄວ້ສຳລັບນັກເຕະຮຸ່ນໃຫຍ່