ສຳນັກຂ່າວຕ່າງປະເທດ ລາຍງານໃນວັນທີ 5 ພະຈິກນີ້ວ່າ ໂຮງງານຜະລິດກະເປົາແຫ່ງໜຶ່ງ ໃນເຂດອຸດສາຫະກຳ ໃກ້ກັບເມືອງລາຮໍ ທາງພາກຕາເວັນອອກ ປະເທດປາກີສະຖານ ໄດ້ພັງຖະຫລົ່ມລົງມາ ໃນວັນພຸດທີ 4 ພະຈິກຜ່ານມານີ້ ເປັນເຫດເຮັດໃຫ້ມີຜູ້ເສຍຊີວິດ ຢ່າງໜ້ອຍ 18 ຄົນ ໃນຂະນະທີ່ທີມກູ້ໄພ ສາມາດຊ່ວຍເຫລືອ ຜູ້ທີ່ໄດ້ຮັບບາດເຈັບ ອອກມາໄດ້ແລ້ວ 40 ຄົນ ໂດຍທ່ານ ຄາຊີບ ນາຊີ ເຈົ້າໜ້າທີ່ກູ້ໄພ ໄດ້ຄາດວ່າ ອາດມີກຳມະກອນ ຕິດຄ້າງຢູ່ພາຍໃຕ້ ຊາກຫັກພັງຂອງອາຄານ ປະມານ 150 ຄົນ ຊຶ່ງເບື້ອງຕົ້ນ ແມ່ນຍັງບໍ່ທັນມີການລະບຸ ເຖິງສາເຫດຕົ້ນຕໍ ຂອງເຫດເສົ້າສະຫລົດໃນຄັ້ງນີ້.