ອາເມຍ ຂ່ານ ນັກຊົກຊາວອັງກິດເຊື້ອສາຍປາກີສະຖານ ບັນລຸຂໍ້ຕົກລົງຂື້ນສັງວຽນອຳລາ ແມນນີ ປາກຽວ ຍອດກຳປັ້ນຂວັນໃຈຊາວຟິລິບປິນປີ 2016 ນັບຕັ້ງແຕ່ການເຈລະຈາທີ່ຈະຊົກກັບ ຟລອຍດ໌ ເມເວທເທີ ຈູເນຍ ລົ້ມເຫຼວເມື່ອ 2 ປີກ່ອນ

ສື່ໜັງສືພິມຂອງອັງກິດລາຍງານວ່າ ຂ່ານ ຍອມຮັບເງື່ອນໄຂທຸກເງື່ອນໄຂໃນການຊົກກັບແຊ້ມໂລກ ໃນວັນທີ 4 ເມສາ 2016 ທີ່ ລາສ ເວກັສ ແລະ ສົ່ງເອກະສານເຖິງມື ບ໊ອບ ອາຣັມ ໂປຣໂມເຕີຂອງ ປາກຽວ

ນັບວ່າເປັນການຊົກຄັ້ງປະຫວັດສາດ ເນື່ອງຈາກຄັ້ງໜື່ງທັງສອງເຄີຍເປັນຄູ່ຊ້ອມກັນມາກ່ອນທີ່ ໄວລ໌ ກາດ ຢິມ ຂອງ ເຟຣດດີ ໂຣຊ ຕັ້ງຢູ່ໃນ ຮອລລີວູດ ກ່ອນໜ້າທີ່ໜຸ່ມຈາກເມືອງ ໂບລຕັນ ຈະຂໍແຍກທາງໄປຮ່ວມງານກັບ ເວີຈິລ ຮັນເຕີ ເທຣນເນີຂອງ ອັງ ເດຣ ວອດ ນັກຊົກຊາວອາເມຣິກາ

ປາກຽວ ຢູ່ລະຫວ່າງການພັກຟື້ນອາການເຈັບບ່າຂວາ ຕັ້ງແຕ່ກ່ອນຂື້ນຊົກກັບ ຟລອຍດ໌ ອະດີດກຳປັ້ນບໍ່ເຄີຍແພ້, ແຕ່ວ່າກຳນົດຂື້ນສັງວຽນອີກຄັ້ງໃນເດືອນເມສາ ໂດຍບໍ່ກຳນົດເຫຍື່ອລາຍຕໍ່ໄປ ໂດຍມີ ອາເມຍ ຂ່ານ ໄວ 28 ປີ ຕິດຕົວເຕັງຮ່ວມກັບ ທິໂມທີ ແບຣດລີ, ເທເຣນຊ໌ ຄຼໍຟອດ