<ignore_js_op>

ZTE ປະກາດຮ່ວມເຮັດ Smartwatch ນຳ ຈະໃຊ້ໄດ້ກັບໂທລະສັບຕົວເອງເທົ່ານັ້ນ

ຍັກໃນວົງການໂທລະສັບເບີສອງຈາກຈີນກໍຄື ZTE ປະກາດວ່າຈະເຮັດໂມງອັດສະລິຍະວາງຈຳໜ່າຍໃນປີໜ້າ ແລະໃນໄລຍະເບື້ອງຕົ້ນຈະໃຊ້ໃນໂທລະສັບຕົວເອງກ່ອນເທົ່ານັ້ນ ຖືວ່າເປັນບໍລິສັດເຮັດໂທລະສັບຫຼ້າສຸດທີ່ໄດ້ອອກມາປະກາດຮ່ວມໃນວົງການໂມງ

ເຖິງວ່າຕະຫຼາດໂມງອັດສະລິຍະໃນຕອນນີ້ອາດຈະສາມາດເວົ້າໄດ້ວ່າບໍ່ໝັ້ນຄົງ ອະນາຄົດບໍ່ຊັດເຈນແລະຂາຍໄດ້ບໍ່ດີ ແຕ່ກໍມີຜູ້ແຂ່ງຂັນໃໝ່ໆເຂົ້າມາເລື້ອຍໆ (ດ້ວຍຄວາມທີ່ຍັງຄົ້ນຫາຕົວເອງບໍ່ພົບ ເຮັດໃຫ້ຜູ້ທ້າຊິງເຂົ້າມາຮ່ວມຄົ້ນຫາອະນາຄົດນຳກັນເລື້ອຍໆ) ໃນຂະນະດຽວກັນແຕ່ລະບໍລິສັດກໍພະຍາຍາມສ້າງຈຸດເດັ່ນໃຫ້ແກ່ໂມງຕົນເອງ ແລະຂາຍຮ່ວມກັບສະມາກໂຟນ

ສຳລັບໂມງອັດສະລິຍະຂອງ ZTE ນີ້ຕັ້ງເປົ້າໄວ້ວ່າຈະວາງຂາຍໃນໄຕມາດ 2 ຂອງປີໜ້າ ຄາດກັນໄວ້ວ່າຈະມີລູກຫຼິ້ນຫຼາຍເທົ່າໆກັບ Galaxy Gear ແຕ່ຈະມີລາຄາທີ່ຖືກກວ່າ ແຕ່ໃນໄລຍະທຳອິດນີ້ຈະວາງຂາຍໃນປະເທດຈີນເທົ່ານັ້ນ ແລະຈາກນັ້ນຈະເຂົ້າສູ່ຕະຫຼາດຍຸໂຣບ ແລະອາເມຣິກາໃນພາຍຫຼັງ ແລະໄລຍະຍາງໜ້າຈະອອກໂມງອັດສະລິຍະທີ່ໃຊ້ກັບແອນດຣອຍຕົວໃດກໍໄດ້ໃນໂລກ

ທີ່ມາ:www.deklao.com