spot_img
Homeຂ່າວພາຍ​ໃນສຶກສາໂຄງການສ້າງເຂດພະລາທິການຂົນສົ່ງ

ສຶກສາໂຄງການສ້າງເຂດພະລາທິການຂົນສົ່ງ

Published on

ສຶກສາໂຄງການສ້າງເຂດພະລາທິການຂົນສົ່ງ

ລັດຖະບານ​ລາວ ຮ່ວມ​​ມືກັບ​ອົງການ​ໄຈ​ກາ ປະເທດ​ຍີ່ປຸ່ນ ໄດ້​ລົງ​ນາມ​ບົດ​ບັນທຶກ​ຄວາມ​ເຂົ້າໃຈ ເພື່ອ​ສຶກ​ສາ​ການຈັດຕັ້ງ​ປະຕິບັດ​ໂຄງການ​ສ້າງ​ເຂດ​ພະລາທິການ​ຂົນສົ່ງ ຢູ່​ນະຄອນຫຼວງ​ວຽງ​ຈັນ ດ້ວຍ​ຮູບ​ແບບ​ການ​ຮ່ວມ​ມື​ລະຫວ່າງ​ພາກ​ລັດ-ພາກ​ທຸລະ​ກິດ ໂດຍ​ພິທີ​ດັ່ງກ່າວ​ຈັດ​ຂຶ້ນ ວັນ​ທີ 28 ພະຈິກ 2013 ຢູ່​ທີ່​ກະຊວງ​ໂຍທາ​ທິ​ການ ແລະ ຂົນສົ່ງ ຮ່ວມ​ລົງ​ນາມ​ທ່ານ ວຽງ​ສະ​ຫວັດ ສີ​ພັນ​ດອນ ຫົວໜ້າ​ກົມ​ຂົນສົ່ງ ແລະ ທ່ານ ໂຄ​ອິ​ຊິ ທາ​ເກ​ອິ ຫົວໜ້າ​ອົງການ​ໄຈ​ກາ ປະຈຳ​ລາວ ມີ​ທ່ານ ສົມ​ມາດ ພົນ​ເສນາ ລັດຖະມົນຕີ​ວ່າການ ກະຊວງ​ໂຍທາ​ທິ​ການ ແລະ ຂົນສົ່ງ ພ້ອມ​ດ້ວຍ​ພະນັກງານ-ວິຊາ​ການ​ກ່ຽວຂ້ອງ​ສອງ​ຝ່າຍ​ເຂົ້າ​ຮ່ວມ.

ການ​ຮ່ວມ​ມື​ສຶກ​ສາ​ຄວາມ​ເປັນ​ໄປ​ໄດ້ ໂຄງການ​ສ້າງ​ເຂດ​ພະລາທິການ​ຄັ້ງ​ນີ້ ສືບ​ເນື່ອງ​ຈາກ​ລັດຖະບານ​ລາວ ໄດ້​ຂໍ​ຄວາມ​ຊ່ວຍເຫຼືອ​ຈາກ​ອົງການ​ໄຈ​ກາ ສົກ​ປີ 2009-2010 ເພື່ອ​ສ້າງ​ແຜນ​ແມ່​ບົດ ລະບົບ​ພະລາທິການ​ຂົນສົ່ງ​ໃນ ​ສປປ ລາວ ແລະ ສະເໜີ​ຂໍ​ການ​ຊ່ວຍເຫຼືອ​ຈາກ​ລັດຖະບານ​ຍີ່ປຸ່ນ ເພື່ອ​ສ້າງ​ເຂດ​ພະລາທິການ​ຂົນສົ່ງ ຢູ່​ນະຄອນຫຼວງ​ວຽງ​ຈັນ ສະຫວັນ​ນະ​ເຂດ ແລະ ແຂວງ​ຈຳປາ​ສັກ ເຊິ່ງ​ເປົ້າ​ໝາຍ​ຂອງ​ການ​ສ້າງ​ເຂດ​ພະລາທິການ​ຂົນສົ່ງ​ນີ້ ເພື່ອ​ແນໃສ່​ສ້າງ​ໃຫ້ ​ສປປ ລາວ ເປັນ​ປະເທດ​ເຊື່ອມ​ຈອດ ແລະ ໃຫ້​ບໍລິການ​ທາງ​ຜ່ານ​ຄົມມະນາຄົມ-ຂົນສົ່ງ ທີ່​ສຳຄັນ​ຢູ່​ພາຍ​ໃນ​ພາກ​ພື້ນ ບໍ່​ວ່າ​ຈະ​ເປັນ​ການ​ບໍລິການ​ໂດຍສານ ແລະ ຂົນສົ່ງ​ສິນຄ້າ​ຂອງ​ບັນດາ​ປະເທດ​ສະມາຊິກ​ອາ​ຊຽນ​ດ້ວຍ​ກັນ ໂດຍ​ສະເພາະ​ແມ່ນ ວຽກ​ງານ​ການ​ກະກຽມ​ເຂົ້າ​ເປັນ​ປະຊາ​ຄົມ​ເສດຖະກິດ​ອາ​ຊຽນ ທີ່​ລາວ​ເຮົາ​ຕ້ອງ​ໄດ້​ປັບປຸງ​ຢ່າງ​ຕັ້ງໜ້າ ເຂົ້າ​ໃນ​ລະບົບ​ຄົມມະນາຄົມ-ຂົນສົ່ງ ໃຫ້​ມີ​ຄຸນ​ນະ​ພາບ ແລະ ສາມາດ​ຮອງ​ຮັບ​ກັບ​ຄວາມ​ຕ້ອງການ​ພັດທະນາ​ເສດຖະກິດ-ສັງຄົມ.

ທີ່ມາhttp://www.vientianemai.net/

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...