ຫລ້າສຸດເບິ່ງຄືວ່າຈະຮືຮາບໍ່ໜ້ອຍເລີຍ ເມື່ອທາງດ້ານຂອງ Apple ກຳລັງກຽມທີ່ຈະທົດສອບໜ້າຈໍໂຄ້ງແບບ OLED ຈາກຄ້າຍ Samsung ຄາດກັນວ່າຈະນຳໄປໃຊ້ກັບ iPhone ໃນລຸ້ນປີ 2018
ໂດຍກ່ອນໜ້ານີ້ທາງ Apple ເຄີຍນຳເອົາໜ້າຈໍດັ່ງກ່າວໄປໃຊ້ກັບ Apple Watch ມາແລ້ວ ຜະລິດໂດຍ LG Display ແຕ່ວ່າກຳລັງຈະມີການນຳໄປໃຊ້ກັບ iPhone ອີກດ້ວຍ ແຕ່ໜ້າຈໍລຸ້ນນີ້ຈະຜະລິດໂດຍ Samsung ແລະຈະມີການທົດສອບໃນໄລຍະເດືອນພະຈິກນີ້
ທັງນີ້ຈາກການທີ່ທາງ LG Display ເປ້ນຜູ້ຜະລິດໜ້າຈໍ OLED ເທິງ Apple Watch ພຽງລາຍດຽວ ດັ່ງນັ້ນທາງດ້ານຂອງ Samsung ຈຶ່ງຕ້ອງການເຂົ້າມາມີສ່ວນຮ່ວມໃນເລື່ອງນີ້ດ້ວຍນັ້ນເອງ ເຖິງວ່າຈະມີເລື່ອງກັນມາກ່ອນໜ້ານີ້ກໍຕາມ
ນອກຈາກໜ້າຈໍ OLED ແລ້ວທາງ Samsung ຍັງສະເໜີຕົວຜະລິດຊິບເຊັດ Apple A9 ໃຫ້ກັບທາງ Apple ອີກດ້ວຍ ໃນຕອນນີ້ເລີຍມີຜູ້ຜະລິດ ຊິບເຊັດ Apple A9 ທັງຈາກ TSMC ແລະ Samsung
ຄາດກັນວ່າເຮົາຈະໄດ້ເຫັນ iPhone ໜ້າຈໍໂຄ້ງໃນປີ 2018 ຮູບຮ່າງໜ້າຕາຈະເປັນຢ່າງໃດນັ້ນກໍຕ້ອງລໍຖ້າຕິດຕາມກັນຕໍ່ໄປແບບຍາວໆ