ກູເກີນເປີດຕົວ Asus OnHub ເຣົາເຕີລ໌ Wi-Fi ພ້ອມຟັງຊັ່ນ Wave Control ແກວງມືເລັ່ງຄວາມໄວເນັດ
ຫລັງຈາກທີ່ກູເກີນໄດ້ຈັບມືກັບ TP-Link ເປີດຕົວເຣົາເຕີລ໌ OnHub ໄປແລ້ວ ຫລ້າສຸດເມື່ອວັນທີ່ 27 ຕຸລາ ກູເກີນກໍໄດ້ຈັບມືກັບ Asus ເປີດຕົວເຣົາເຕີລ໌ Wi-Fi OnHub ອີກລຸ້ນໜຶ່ງ ໂດຍມີດີໄຊນ໌ເປັນຮູບກະບອກຄ້າຍກັບລຸ້ນຂອງ TP-Link ພ້ອມທັງເນັ້ນຄວາມຮຽບງ່າຍໃນການຕັ້ງຄ່າແລະໃຊ້ງານ ສາມາດຄວບຄຸມໄດ້ຜ່ານແອັບພິເຄຊັ່ນຂອງກູເກີນ ແຖມດ້ວຍຟັງຊັ່ນ Wave Control ທີ່ມີສະເພາະ Asus OnHub ຊຶ່ງສາມາດແກວງມືເທິງຕົວເຣົາເຕີລ໌ເພື່ອສັ່ງໃຫ້ເພີ່ມຄວາມໄວ Wi-Fi ໃຫ້ກັບອຸປະກອນຕົວໃດຕົວໜຶ່ງເປັນພິເສດໄດ້ທັນທີ
ນອກຈາກນີ້ Asus OnHub ຍັງສາມາດອັບເດດຊອບແວລ໌ໄດ້ເອງອັດຕະໂນມັດ ໂດຍຈະອັບເດດໃນໄລຍະເວລາທີ່ບໍ່ມີການໃຊ້ງານອິນເຕີເນັດ ເພື່ອບໍ່ໃຫ້ເປັນການລົບກວນຜູ້ໃຊ້ນັ້ນເອງ ແລະໃນສ່ວນຂອງສະເປກກໍຈະຄ້າຍໆ ກັບ OnHub ຂອງ TP-Link ຮອງຮັບສັນຍານ Wi-Fi 802.11ac ສຳລັບລາຄານັ້ນຈະຢູ່ທີ່ $219.99 ເປີດໃຫ້ສັ່ງຈອງແລ້ວມື້ນີ້ໃນອາເມຣິກາ