ຜູ້ສັນຈອນຜ່ານໄປມາໃນ ເສັ້ນທາງ 450 ປີ ຢາກໃຫ້ໜ່ວຍງານກ່ຽວຂ້ອງ ລົງແກ້ໄຂສະພາບຕົ້ນຫຍ້າ ທີ່ປົ່ງຂຶ້ນສູງຕາມຄູກາງເສັ້ນທາງ ຈົນບັງການສັນຈອນຂອງລົດສອງຟາກທາງ ຫລຽວບໍ່ເຫັນກັນ, ອາດເປັນສາເຫດໜຶ່ງພາໃຫ້ເກີດອຸປະຕິເຫດ.
ບັນຫາດັ່ງກ່າວ ແມ່ນປະຊາຊົນໄດ້ສ່ອງແສງມາຫາສໍານັກງານ ໜັງສືພິມລາວພັດທະນາ ເມື່ອທ້າຍອາທິດຜ່ານມາ,ເພື່ອສະເໜີຫາພາກສ່ວນກ່ຽວຂ້ອງ ໃຫ້ເຂົ້າມາແກ້ໄຂສະພາບດັ່ງກ່າວ ທີ່ມີຄວາມສ່ຽງຫລາຍຕໍ່ການເກີດອຸປະຕິເຫດໃນຈຸດສາມແຍກ, ສີ່ແຍກ ແລະ ຈຸດກັບລົດ, ໂດຍສະເພາະໃນຍາມຄໍ່າຄືນ ຍິ່ງມີຄວາມອັນຕະລາຍ ເພາະໄຟເຍືອງທາງບາງຍ່ານແມ່ນບໍ່ມີ, ສະນັ້ນ ເພື່ອຫລີກລ້ຽງຄວາມອັນຕະລາຍຕ່າງໆທີ່ອາດຈະເກີດຂຶ້ນ, ທັງເຮັດໃຫ້ເສັ້ນທາງດັ່ງກ່າວ ມີຄວາມຈົບງາມ, ຈຶ່ງຂໍຮຽກຮ້ອງໃຫ້ໜ່ວຍງານກ່ຽວຂ້ອງ ໄດ້ເຂົ້າໄປແກ້ໄຂດ້ວຍການເຮັດອະນາໄມ, ຖາງຕົ້ນຫຍ້າເຫລົ້ານັ້ນອອກ ໃຫ້ກ້ຽງສະອາດດີ ຈຶ່ງຈະສ້າງໃຫ້ນະຄອນຫລວງວຽງຈັນ ເປັນຕົວເມືອງງົດງາມ ແລະ ໜ້າຢູ່.
ແຫລ່ງຂ່າວ:
