ຫລັງຈາກເປີດຕົວໄປບໍ່ດົນແລະກໍເຂົ້າມາຮອດລາວກັນແລ້ວສຳລັບ iPhone 6S ທີ່ຫລາຍໆຄົນຢາກໄດ້ ມື້ນີ້ເຮົາຈະມາບອກເຖິງຄວາມສາມາດອີກໜຶ່ງຢ່າງຂອງເທກໂນໂລຍີ 3D Touch ທີ່ເປັນຟັງຊັ່ນໃໝ່ເທິງ iPhone 6S ເມື່ອມີນັກພັດທະນາແອັບພິເຄຊັ່ນຫົວໃສລາຍໜຶ່ງ ໄດ້ພັດທະນາແອັບພິເຄຊັ່ນທີ່ອາໄສຟັງຊັ່ນ 3D Touch ໃນການຊັ່ງນ້ຳໜັກສິ່ງຂອງ ຊຶ່ງຖືວ່າມັນສຸດຄັກຫລາຍໆ
ແອັບພິເຄຊັ່ນດັ່ງກ່າວມີຊື່ວ່າ Plum-O-meter ພັດທະນາໂດຍ Simon Gladman ທີ່ເປັນການນຳເອົາເທກໂນໂລຍີ Force Touch ແລະ 3D Touch ມາໃຊ້ໃນການຊັ່ງນ້ຳໜັກສິ່ງຂອງ ໂດຍໄດ້ມີການສາທິດການໃຊ້ງານຜ່ານທາງ ຄລິບວີດີໂອໃຫ້ເບິ່ງກັນນຳອີກ ທັງນີ້ຍັງເປັນພຽງການຊັ່ງນ້ຳໜັກແບບວ່າປຽບທຽບເປີເຊນເທົ່ານັ້ນ ວ່າສິ່ງໃດໜັກກວ່າກັນ
ແລະເຖິງແມ່ນວ່າຈະບໍ່ສາມາດຊັ່ງນ້ຳໜັກທີ່ແນ່ນອນໄດ້ ແຕ່ກໍຖືວ່າເປັນແອັບພິເຄຊັ່ນທີ່ໃຊ້ປະໂຫຍດຈາກ 3D Touch ໄດ້ຍ່າງດີ ແລະ ເປັນການປູທາງໃຫ້ມີການພັດທະນາແອັບພິເຄຊັ່ນທີ່ສຸດຍອດຫລາຍຍິ່ງຂຶ້ນໃນອະນາຄົດອີກດ້ວຍ