ສຳນັກຂ່າວຕ່າງປະເທດ ລາຍງານໃນວັນທີ 1 ພະຈິກຜ່ານມານີ້ວ່າ ກຸ່ມຕິດອາວຸດ ອັນ-ຊາບັບ ໄດ້ກໍ່ເຫດບຸກໂຈມຕີ ໂຮງແຮມຊາຮາຟີ ໃນນະຄອນຫລວງໂມກາດິຊູ ເມືອງຫລວງປະເທດໂຊມາລີ ໃນຕອນເຊົ້າຂອງວັນອາທິດ (1 ພະຈິກ) ດ້ວຍລະເບີດທີ່ເຊື່ອງມາກັບລົດ 2 ລູກ ຫລັງຈາກນັ້ນ ກຸ່ມນັກຮົບດັ່ງກ່າວ ໄດ້ບຸກເຂົ້າໂຈມຕີ ພາຍໃນໂຮງແຮມ ດ້ວຍປືນ ແລະ ລະເບີດ ສົ່ງຜົນເຮັດໃຫ້ມີຜູ້ເສຍຊີວິດ 15 ຄົນ ໃນນັ້ນ ມີສະມາຊິກສະພາຜູ້ແທນ ທະຫານລະດັບນາຍພົນ ແລະ ເຈົ້າຂອງໂຮງແຮມດັ່ງກ່າວ ລວມຢູ່ນຳ.