ສຸດລ້ຳກັບເທກໂນໂລຍີໃໝ່ ເມື່ອນັກວິໄຈຈາກເມັກຊິໂກມີໄອເດຍໃໝ່ພັດທະນາອຸປະກອນທີ່ສາມາດຮູ້ຜົນພະຍາດເບົາຫວານ ໄດ້ຢ່າງທັນໃຈດ້ວຍການກວດ”ນ້ຳລາຍ”ເທິງໂທລະສັບມືຖື ເໝາະກັບການນຳໄປປະຍຸກໃຊ້ເພື່ອພິຈາລະນາພະຍາດເບົາຫວານໄດ້ໃນປະເທດທີ່ມີລາຍໄດ້ ໜ້ອຍ
ມະຫາວິທະຍາໄລເທກ ເດີ ມອນເທີລ໌ຣີ່ (ມະຫາວິທະຍາໄລເມັກຊິໂກ) ຮ່ວມກັບມະຫາວິທະຍາໄລຮູດຕັນ ມີແນວຄິດພັດທະນາອຸປະກອນສາມາດຫາຄວາມສ່ຽງຂອງການເກີດພະຍາດເບົາຫວານປະເພດ 2 ໄດ້ ໂດຍຄວາມໂດດເດັ່ນຂອງງານວິໄຈຊິ້ນນີ້ຄືຈະສາມາດນຳໄປປັບໃຊ້ໄດ້ກັບໂທລະສັບມືຖື ໃຫ້ຜົນໄດ້ໃນເວລາບໍ່ຈັກວິນາທີ ບໍ່ຕ້ອງໃຊ້ເຂັມໃຫ້ຫຍຸ້ງຍາກແຕ່ຢ່າງໃດ
ກ່າວ ຄື ອຸປະກອນຊະນິດນີ້ມີລັກສະນະເປັນຫລອດນ້ອຍໃສ່ຂອງແຫລວທີ່ສາມາດນຳໄປປັບໃຊ້ກັບ ໂທລະສັບມືຖືໄດ້ ເພື່ອການກວດຫາສານຕ່າງໆໃນນ້ຳລາຍ ຊຶ່ງຈະສາມາດສະແດງຜົນໄດ້ວ່າຜູ້ປ່ວຍຄົນນັ້ນເປັນເບົາຫວານຫລືບໍ່
“ອຸປະກອນ ນີ້ເປັນອຸປະກອນທີ່ງ່າຍຄືກັບຊຸດກວດສອບການຕັ້ງທ້ອງ” ດຣ. ມາລ໌ໂກ ອັນໂຕນິໂອ ລິເຕ ພາໂລມາເຣດ ຜູ້ອຳນວຍການສູນວິໄຈເທກໂນໂລຍີຊີວະພາບ ເຜີຍ
ໂຄງການນີ້ ຕັ້ງເປົ້າໝາຍໄວ້ວ່າຈະສຳເລັດໃນເວລາ 2 ປີ ໂດຍ ດຣ. ລິເຕ ພາໂລມາເຣດ ເຜີຍວ່າ “ເຮົາຢາກຈະໄດ້ອຸປະກອນທີ່ສາມາດຫາມາກເກີລ໌ຊີວະພາບໄດ້ຈາກຕົວຢ່າງນ້ຳລາຍ ຈະຕ້ອງສາມາດປ່ອຍແສງໄດ້ໃຫ້ກ້ອງໂທລະສັບມືຖືສາມາດບັນທຶກໄດ້”
ໃນ ງານວິໄຈເທື່ອນີ້ ທີມວິໄຈປະກອບໄປດ້ວຍນັກວິໄຈເທກໂນໂລຍີເອນໄຊທີ່ຕ້ອງການໃຫ້ມາກເກີລ໌ຕົວ ນີ້ສາມາດເບິ່ງເຫັນແລະຖືກປະມວນຜົນວິເຄາະຜົນໄດ້ ນອກຈາກນີ້ ຍັງມີທີມວິໄຈທີ່ໄດ້ສ້າງອຸປະກອນຂະໜາດໄມໂຄຣໃຫ້ສາມາດລວມເຂົ້າກັບໂທລະສັບມືຖືໃຫ້ຜູ້ໃຊ້ສາມາດກວດແລ້ວສະແດງຜົນເທິງໂທລະສັບມືຖືໄດ້ເລີຍ
ຫົວໜ້າສູນວິໄຈເທກໂນໂລຍີຊີວະພາບ ເບີ່ງວ່າໜ້າຈະໃຊ້ກ້ອງໂທລະສັບມືຖືເພື່ອການຫາມາກເກີລ໌ໃນນ້ຳລາຍໄດ້ ເພາະຄວາມລະອຽດຂອງກ້ອງນັ້ນດີຂຶ້ນທຸກໆປີ ແນວຄິດຄື ປະຕິກິລິຍາຂອງເອນໄຊໜ້າຈະເຮັດໃຫ້ມາກເກີລ໌ຊີວະພາບເຮືອງແສງຫລືປ່ອຍແສງ ສາມາດກວດຈັບໄດ້ດ້ວຍກ້ອງ ຊຶ່ງເປັນກົນລະຍຸດທີ່ໃຊ້ກັນເລື້ອຍໃນເທກໂນໂລຍີອື່ນໆ
“ໄອເດຍຄືການເຮັດໃຫ້ຊີວິດຂອງຜູ້ປ່ວຍງ່າຍຂຶ້ນ ແຕ່ໃນຂະນະດຽວກັນ ເຮົາກໍຢາກຈະເຮັດໃຫ້ເທກໂນໂລຍີເພື່ອສຸກຂະພາບເຫລົ່ານີ້ໄປສູ່ປະເທດທີ່ມີລາຍໄດ້ຕ່ຳດ້ວຍ ໜ້າຈະເຮັດໃຫ້ເກີດເທກໂນໂລຍີການກວດວັດເບົາຫວານເບື້ອງຕົ້ນເພື່ອຈະໄດ້ຫາທາງປ້ອງກັນ ບໍ່ໃຫ້ເກີດຄ່າໃຊ້ຈ່າຍທີ່ສູງຕາມມາຕໍ່ໄປ ທັງຄ່າໃຊ້ຈ່າຍໃນລະດັບປະຊາຊົນແລະລະດັບລັດຖະບານ”
ນອກຈາກນີ້ ທີມວິໄຈຍັງຫວັງວ່າເທກໂນໂລຍີນີ້ຈະມີຜູ້ສົນໃຈນຳໄປຜະລິດເປັນຈຳນວນຫລາຍເພື່ອການນຳໄປໃຊ້ແທ້