Nokia ແລະ China Mobile ຄ້າຍມືຖືຍັກໃຫຍ່ໃນຈີນໄດ້ຕົກລົງເປັນພັນທະມິດຮ່ວມກັນໃນການດຳເນີນໂປຣເຈັກພັດທະນາເທກໂນໂລຍີເຄືອຂ່າຍ 5G ຄາດຈະເລີ່ມທົດສອບໃຊ້ງານແທ້ໃນປີ 2018
ເປັນອີກໜຶ່ງຄວາມຄືບໜ້າຂອງການຍ່າງໜ້າພັດທະນາໂຄງຂ່າຍຄວາມໄວອິນເຕີເນັດ 5G ຊຶ່ງບໍລິສັດໄອທີຫລາຍແບຣນນັ້ນກໍກຳລັງຊຸກຍູ້ໃນການເຮັດວິໄຈເທກໂນໂລຍີດັ່ງກ່າວ ບໍ່ວ່າຈະເປັນ Ericsson, Nokia ແລະ Huawei ຮ່ວມກັບບັນດາຜູ້ໃຫ້ບໍລິການເຄືອຂ່າຍໃນປະເທດຕ່າງໆ ຊຶ່ງ Nokia ເອງຫລ້າສຸດກໍຈັບມືກັບທາງ China Mobile ໜຶ່ງໃນຜູ້ໃຫ້ບໍລິການເຄືອຂ່າຍມືຖືທີ່ໃຫຍ່ທີ່ສຸດໃນໂລກໃນການພັດທະນາເທກໂນໂລຍີດັ່ງກ່າວແລ້ວ
ສຳລັບ Nokia ນັ້ນມີຮາກຖານທີ່ແຂງແກ່ງໃນເລື່ອງການພັດທະນາລະບົບໂຄງຂ່າຍ ຫລັງຈາກຫາກໍ່ລວມກັບ Alcatel-Lucent ແລະ ພວກເຂົາຍັງຈັບມືກັບຜູ້ໃຫ້ບໍລິການເຄືອຂ່າຍອື່ນໆ ຢ່າງ NTT DoCoMo ຂອງຍີ່ປຸ່ນ, SK Telecom ຈາກເກົາຫລີໃຕ້ແລະ Deutsche Telekom ຈາກເຍລະມັນໃນການພັດທະນາເທກໂນໂລຍີ 5G ເຊັ່ນກັນ ໂດຍຄາດວ່າຢ່າງໄວທີ່ສຸດໜ້າຈະມີການທົດສອບການໃຊ້ງານແທ້ໃນກີລາໂອລິມປິກລະດູໜາວທີ່ເກົາຫລີໃຕ້ໃນປີ 2018