ໃຜທີ່ເຄີຍເບິ່ງໜັງອາວະກາດຢ່າງ Star Trek ໜ້າຈະເຄີຍເຫັນ Tractor Beam ຫລືລຳແສງທີ່ໃຊ້ລາກດຶງວັດຖຸ ເຊັ່ນເວລາທີ່ຕ້ອງການຍົກລົດຂຶ້ນຈາກພື້ນ ຫລື ຍູ້ອຸກກາບາດໃຫ້ອອກຫ່າງຈາກຍານ ຕອນນີ້ນັກວິທະຍາສາດອັງກິດໄດ້ເຮັດຕົ້ນແບບ Tractor Beam ສຳເລັດແລ້ວດ້ວຍຄື້ນສຽງ
https://youtu.be/s5r2nmvxA4s
ນັກວິທະຍາສາດຈາກມະຫາວິທະຍາໄລ Bristol ແລະ Sussex ໄດ້ພັດທະນາບີມລາກດຶງວັດຖຸດ້ວຍສຽງຈົນໃຊ້ງານແທ້ໄດ້ເປັນເທື່ອທຳອິດໃນໂລກ ໂດຍອາໄສລຳໂພງຂະໜາດນ້ອຍ 64 ຕົວທີ່ສ້າງຄື້ນສຽງແບບ Ultrasonic ກຳລັງສູງ ຊຶ່ງເມື່ອລຳໂພງທັງ 64 ຕົວຫັນໃນມຸມທີ່ເໝາະສົມກັນຈະເກີດເປັນ acoustic hologram ຫລືສະໜາມພະລັງສຽງທີ່ໜີບວັດຖຸໃຫ້ລອຍໄປມາຕາມທິດທາງທີ່ຕ້ອງການໄດ້
ຕົວຕົ້ນແບບຂອງ Tractor Beam ນີ້ສາມາດຍົກວັດຖຸຂະໜາດເທົ່າເມັດຖົ່ວໃຫ້ລອຍໄປມາເທິງແຜງລຳໂພງ ໂດຍສາມາດຄວບຄຸມວັດຖຸຈາກໄລຍະ 30 – 40 ຊົ່ວໂມງໄດ້ໂດຍທີມພັດທະນາຫວັງວ່າຈະສາມາດພັດທະນາຈົນສາມາດໃຊ້ງານໄດ້ແທ້ ຊຶ່ງຈະມີປະໂຫຍດຢ່າງຫລາຍໃນການພັດທະນາເທກໂນໂລຍີທາງການແພດ ຫລືລະບົບຂົນຍ້າຍວັດຖຸອັນຕະລາຍ