ເວັບໄຊເດລິເມວຂອງອັງກິດ ລາຍງານວ່າ ໄດ້ເກີດເຫດສຸດເສົ້າໃຈຂຶ້ນທີ່ປະເທດ ຊິມບັບເວ ເມື່ອຊ້າງຈຳນວນ 22 ໂຕຖືກຂ້າ ທີ່ອຸທະຍານແຫ່ງຊາດວາງຈີ ປະເທດຊິມບັບເວ ດ້ວຍວິທີວາງຢາພິດແລະຕັດຫົວ ຕັດງວງຈົນເລືອດອາບ ເຊິ່ງຄາດວ່າເປັນສີມືຂອງເຈົ້າໜ້າທີ່ ພາຍໃນອຸທະຍານທີ່ເຮັດໄປ ເພື່ອເປັນການປະທ້ວງ ເນື່ອງຈາກບໍ່ພໍໃຈທີ່ບໍ່ໄດ້ຮັບເງິນຄ່າຈ້າງ ໂດຍຈາກຮູບພາບຈະເຫັນຊ້າງ ບາງສ່ວນເຊິ່ງມີທັງຊ້າງໃຫຍ່ ແລະຊ້າງນ້ອຍ ນອນຕາຍຢູ່ກັບພື້ອນ ໂດຍທີ່ຊິ້ນສ່ວນຮ່າງກາຍ ກະແຈກກະຈາຍຢູ່ທົ່ວໄປ.
ເຈົ້າໜ້າທີ່ທີ່ເຮັດວຽກຢູ່ໃນອຸທະຍານ ແຫ່ງຊາດນີ້ເປັນທີ່ຮູ້ກັນດີກວ່າ ຈະໄດ້ຮັບເງິນຄ່າຈ້າງພຽງໜ້ອຍດຽວ ທັງທີ່ຕ້ອງເຮັດວຽກໜັກແລະອັນຕະລາຍ ເນື່ອງຈາກຕ້ອງຄອຍລະມັດລະວັງ ແລະຕໍ່ຕູ້ກັບບັນດາຜູ້ບຸກລຸກ ທີ່ຈ້ອງຈະເອົາອາວຸດເຂົ້າມາຂ້າສັດ.
ແນວໃດກໍຕາມ ການຂ້າສັດໃຫຍ່ລັກສະນະນີ້ ບໍ່ໄດ້ເກີດຂຶ້ນພຽງເປັນເທື່ອທຳອິດ ໃນຊິມບັບເວ ແຕ່ໄລຍະທີ່ຜ່ານມາ ບັນດານັກລ່າສັດທັງຫຼາຍກໍມັກຈະເຮັດ ເປັນງານອະດິເຫຼກຢູ່ແລ້ວ ໂດຍສັດທີ່ຕົກເປັນເຫຍື່ອເລື້ອຍທີ່ສຸດ ກໍຄືຊ້າງແລະແຮດ ເນື່ອງຈາກນັກລ່າສາມາດນຳເອົາງາ ແລະນໍ ໄປຂາຍໃຫ້ປະເທດໃນ ອາຊີຕາເວັນອອກໄດ້.
ທີ່ມາ: Daily Mail ແລະຂ່າວສົດ