ເວັບໄຊເດລີເມວຂອງອັງກິດລາຍງານ ເຖິງເລື່ອງລາວຂອງ ໂຄລໂດອັລໂດ້ ແອນໂທນິໂອ ນັກຄ້າຢາເສບຕິດຊາວເບຣຊິນ ຜູ້ເຊິ່ງຕ້ອງໂທດຈຳຄຸກ 36 ປີ ຢູ່ໃສຄ້າຍຄຸມຂັງໂຄໂຣເນລ ໂອເດເນຍກິວມາເຣສ ໄດ້ພະຍາຍາມແຫກຄຸກອອກມາ ດ້ວຍວິທີການປອມໂຕເປັນຜູ້ເຖົ້າ ແຕ່ສຸດທ້າຍກໍຖືກຈັບໄດ້.
ໂຄລໂດອັລໂດ້ສວມໜ້າກາກ ທີ່ເຮັດເປັນໜ້າຫ່ຽວຍານຂອງູຄົນ ເຊິ່ງຄ້າຍຄື ໜ້າຄົນແທ້ທີ່ສຸດ ຜົມປອມຍາວ ແລະຊຸດກະໂປ່ງຍາວແບບຜູ້ເຖົ້າ ແຕ່ແຜນອັນແນບນຽນນີ້ ພັດບໍ່ເປັນໄປຕາມທີ່ຄາດຄິດໄວ້ ເພາະຜູ້ຄຸມຄຸກເຫັນຄວາມຜິດປົກກະຕິກ່ອນ ວ່າສ່ວນສູງຮ່າງກາຍເບິ່ງຜິດປົກກະຕິ ແລະທີ່ສຳຄັນຄື ຈື່ບໍ່ໄດ້ວ່າເຄີຍມີຜູ້ເຖົ້າຍິງເຂົ້າມາເປັນ ນັກໂທດຕັ້ງແຕ່ຕອນໃດ ຫຼັງຈາກນັ້ນຈຶ່ງຄວບຄຸມໂຕ ໂຄລໂດອັລໂດໄວ້ ກ່ອນຈະແກ້ອຸປະກອນປອມໂຕອອກ ຈົນເຫັນສົມໜ້າທີ່ແທ້ຈິງ.
