ຂຸມດຳນັ້ນປຽບເຫມືອນສັດຮ້າຍທີ່ຈະກືນກິນທຸກຢ່າງໃນຈັກກະວານ ເຮົາເຊື່ອກັນມາຕະຫລອດວ່າມັນດູດກືນທຸກຢ່າງເຂົ້າໄປຕະຫລອດເວລາ ແຕ່ໃນອາທິດນີ້ເຮົາກັບພົບຂໍ້ຍົກເວັ້ນບາງປະການ ນັ້ນຄື JPL (Jet Propulsion Laboratory) ຫນ່ວຍງານໜຶ່ງໃນອົງການ NASA ໄດ້ອອກມາປະກາດວ່າມີບາງສິ່ງບາງຢ່າງທີ່ມີຂະໜາດໃຫຍ່ແລະເປັ່ງແສງສະຫວ່າງ ອອກມາຈາກຂຸມດຳໄດ້ ຊຶ່ງເປັນສິ່ງທີ່ບໍ່ເຄີຍມີການຄົ້ນພົບມາກ່ອນໜ້ານີ້!
ບາງສິ່ງບາງຢ່າງທີ່ແປກປະຫລາດເກີດຂຶ້ນທີ່ຂຸມດຳ Mrk 335 ເປັນ “ຂຸມດຳມວນຍິ່ງຍວດ” (Supermassive Black Hole) ຄືຂຸມດຳທີ່ມີມວນມະຫາສານກວ່າດວງອາທິດຂອງເຮົາໜຶ່ງລ້ານເຖິງໜຶ່ງແສນ ລ້ານເທົ່າ ຊຶ່ງມີຄວາມເກົ່າແກ່ເຖິງ 324,000,000 ປີ ມີອຳນາດມະຫາສານ ຢູ່ທາງກຸ່ມດາວເພກາຊັດ ຫ່າງຈາກໂລກ 324 ປີແສງ ຊຶ່ງໃນຂະນະນີ້ມີກ້ອງໂທລະທັດຂອງ NASA ພຽງສອງຕົວທີ່ສາມາດຮັບພາບຂອງມັນໄດ້ ຄືກ້ອງ Nuclear Spectroscopic Telescope Array (NuSTAR) ແລະກ້ອງ Swift
ກ່ອນໜ້ານີ້ຂຸມດຳ Mrk 335 ຢູ່ໃນອາວະກາດຢ່າງສະຫງົບ ບໍ່ມີສິ່ງໃດຜິດປົກກະຕິ ຈົນປີ 2007 ມັນເລີ່ມຈາງລົງໄປຈົນເກືອບຈະສັງເກດບໍ່ໄດ້ ແຕ່ນັກດາລາສາດໄດ້ພົບການເກີດບາງຢ່າງຂອງຂຸມດຳ ແລະໃນເດືອນກັນຍາ 2014 ກ້ອງ Swift ໄດ້ຈັບພາບວ່າມີປະກາຍແສງຂະໜາດໃຫຍ່ຈາກຂຸມດຳໃນເຄິ່ງທຳອິດ ແລະເມື່ອກ້ອງ NuSTAR ໂປຣແກຣມຕົນເອງໃຫ້ຈັບພາບໄປໃນທິດທາງດຽວກັນ ກໍສາມາດຈັບພາບປະກາຍແສງແລະການລະເບີດຂອງບາງຢ່າງອອກມາຈາກຂຸມດຳໄດ້ໃນເຄິ່ງ ຫລັງ
ເມື່ອມີວັດຖຸໃດໃນອາວະກາດເຄື່ອນສູ່ “ຂອບຟ້າເຫດການ” ຫລືຂອງຂຸມດຳບູຮານມວນມະຫາສານນີ້ ຈະສູນເສຍພະລັງງານແລະແຮງໂນ້ມຖ່ວງຂອງຕົນເອງ ແລະ ຂຸມດຳນີ້ຍັງມີຄຸນສົມບັດອື່ນໆ ເຊັ່ນ “ໂຄໂລນາ” ແມ່ນຈະບໍ່ຮູ້ສາເຫດການກຳເນີດຊັດເຈນ ແຕ່ມັນຄືພະລັງງານສູງທີ່ສ້າງລັງສີ X – RAY ແກັສແລະຝຸ່ນທີ່ເຄື່ອນຕາມການໝຸນຮອບຕົນເອງແລະດູດສິ່ງຕ່າງໆ ຂອງຂຸມດຳ ມັນຄືກຸ່ມເມກທີ່ມີອຸນຫະພູມຫລາຍລ້ານອົງສາຊຶ່ງຢູ່ບໍລິເວນນອກຂອບຟ້າເຫດການ ຂອງຂຸມດຳ ແລະເປັນສິ່ງທີ່ເຮັດໃຫ້ເຮົາສາມາດສັງເກດຂຸມດຳໄດ້
ແຕ່ວ່າແສງສະຫວ່າງທີ່ພົບກັບອອກມາຈາກໃຈກາງຂຸມດຳ ບໍ່ແມ່ນບໍລິເວນຂອບຟ້າເຫດການ ແມ່ນສັນນິດຖານວ່າອາດເປັນໂຄໂລນາອີກຮູບແບບໜຶ່ງ ຄືຮູບແບບທີ່ເອີ້ນວ່າ “Lamppost” ສາເຫດການເກີດກໍຍັງຄົງເປັນປິດສະໜາ