ຈີນ​ປະ​ກາດ​ຍົກ​ເລີກ​ນະໂຍບາຍ​ລູກ​ຄົນ​ດຽວ​ຊຶ່ງ​ໃຊ້​ມາ​ຕັ້ງ​ແຕ່​ປີ 1979 ແລະ​ອະນຸຍາດ​ໃຫ້​ຄູ່​ຜົວເມຍ​ສາມາດ​ມີ​ລູກ​ໄດ້ 2 ຄົນ ເພື່ອ​ຍົກລະດັບ​ການ​ພັດທະນາ​ປະຊາກອນ​ໃຫ້​ສົມ​ດຸນ ແລະ​ຮັບ​ມື​ກັບ​ບັນຫາ​ປະຊາກອນ​ສູງ​ໄວ ວັນພະຫັດທີ່ 29 ຕຸລາ 2015 ເວລາ 19:11 ນ. ສຳ​ນັກ​ຂ່າວ​ຕ່າງ​ປະເທດ​ລາຍ​ງານ​ຈາກ​ນະຄອນຫລວງ​ປັກ​ກິ່ງ​ປະເທດ​ຈີນ ເມື່ອ​ວັນທີ່ 29 ວ່າ​ສຳ​ນັກ​ຂ່າວ​ຊິນ​ຫົວ​ຂອງ​ທາງ​ການ​ຈີນ​ລາຍ​ງານ​ວ່າ​ ຈີນ​ໄດ້​ປະ​ກາດ ຍົກ​ເລີກ​ນະໂຍບາຍ​ລູກ​ຄົນ​ດຽວ​ຊຶ່ງ​ໃຊ້​ມາ​ຕັ້ງ​ແຕ່​ປີ 1979 ແລະ​ ຍິນ​ຍອມ​ໃຫ້​ຄູ່​ຜົວເມຍ​ສາມາດ​ມີ​ລູກ​ໄດ້2ຄົນ​ຊຶ່ງ​ເປັນ​ການ​ຍົກ​ເລີກ​ຂໍ້​ບັງຄັບ ທີ່​ຈຳ​ກັດ​ຄູ່​ຜົວເມຍ​ໃນ​ເຂດ​ເມືອງ​ໃຫ້​ມີ​ລູກ​ໄດ້​ຄົນ​ດຽວ​ສາ​ເຫດ​ນັ້ນ​ກໍ​ເພື່ອ​ຍົກລະດັບ ການ​ພັດທະນາ​ປະຊາກອນ​ໃຫ້​ສົມ​ດຸນ​ລວມ​ທັງ​ຍັງ​ເປັນ​ການ​ຮັບ​ມື​ກັບ​ບັນຫາ​ປະຊາກອນ​ຜູ້​ສູງ​ໄວ ທີ່​ນັບ​ມື້​ຈະ​ມີ​ຈຳນວນ​ເພີ່ມ​ຫລາຍ​ຂຶ້ນ​ນອກ​ຈາກ​ນັ້ນ​ກໍ​ຍັງ​ເປັນ​ການ​ຍົກ​ເລີກ​ນະໂຍບາຍ​ທີ່​ບໍ່ ໄດ້ຮັບ​ຄວາມ​ນິຍົມ​ຊຶ່ງ​ຖື​ວ່າ​ລຸ​ກລ້ຳເຂົ້າໄປ​ໃນ​ຊີວິດ​ຄອບຄົວ ການ​ຕັດ​ສິນ​ໃຈ​ດັ່ງ​ກ່າວ​ປາກົດ​ຢູ່ໃນ​ຄຳ​ຖະແຫລງການ​ຂອງ​​ຈີນ​ຫລັງ​ປະ​ຊຸມ​ຄະນະກຳມະການ​ກາງ​ພັກ​ວ່າ​ດ້ວຍ​ການ​ວາງ​ແຜນ​ເສດຖະກິດ​ແລະ​ພັດທະນາ​ສັງຄົມ​ເຖິງ​ປີ 2020 ຊຶ່ງ​ໃນ​ໄລຍະຫລາຍ​ປີ​ທີ່​ຜ່ານມາ​ນີ້​ການ​ປະ​ຊຸມ​ຂອງ​ຄະນະ​ກຳມະການ​ກາງ​ພັກ​ໄດ້​ມີມັດ​ຕິ​ທີ່​ສຳຄັນ​ອອກ​ມາ​ໂດຍ ສ່ວນ​ໃຫຍ່​ຈະ​​ເນັ້ນ​ໄປ​ທີ່​ເລື່ອງ​ເສດຖະກິດ​ແລະ​ບໍ່​ເຄີຍ​ມີ​​ມາ​ກ່ອນ​ເລີຍ​ວ່າ​ຈະ​ມີ ການ​ພິຈາລະນາ​ເລື່ອງ​ນະໂຍບາຍ​ລູກ​ຄົນ​ດຽວ ເຖິງວ່າ​ຈີນ​ຈະ​ຍ່າງ​ໜ້າ​ໄປ​ສູ່​​ເລື່ອງ​ການ​ວາງ​ແຜນ​ຄອບຄົວ​ໂດຍ​ສະເພາະ​ນະໂຍບາຍ ລູກ​ຄົນ​ດຽວ​ທີ່​ນຳ​ມາ​ໃຊ້​ຕັ້ງ​ແຕ່​ປີ 1979 ເພາະ​ເປັນ​ມາດຕະການຊົ່າຄາວໃນ​ອັນ​ທີ່​ຈະ​ຄວບຄຸມ​ຈຳນວນ​ປະຊາກອນ​ແລະ​ຈຳ​ກັດ​ຄວາມ​ຕ້ອງ​ການ​ດ້ານ​ນ້ຳ​ແລະ​ຊັບ​ພະຍາ​ກອນ​ອື່ນໆ​ຫລັງ​ໃຊ້​ນະໂຍບາຍ ນີ້​ຄູ່​ຜົວເມຍ​ໃນ​ຊົນນະບົດ​ຍັງ​ສາມາດ​ທີ່​ຈະ​ມີ​ລູກ​ຄົົນທີ່​ສອງ​ໄດ້​ຫາກວ່າ​ລູກ​ຄົນທຳອິດ​ເກີດ​ມາ ເປັນ​ຜູ້ຍິງ​