ລະຫວ່າງ ວັນທີ 28-29 ຕຸລາ 2015 ທີ່ສະພາແຫ່ງຊາດ ໄດ້ຈັດການສຳມະນາກ່ຽວກັບບັນຫາທິດສະດີ ແລະ ພຶດຕິກຳໃນການສ້າງ-ປັບປຸງລັດຖະທຳມະນູນ ແລະ ກົດໝາຍລະຫວ່າງສະພາແຫ່ງຊາດ ສປປ ລາວ ແລະ ສະພາແຫ່ງຊາດ ສສ ຫວຽດນາມ ຂຶ້ນເປັນກຽດເຂົ້າຮ່ວມຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ທ່ານ ອາຊາງ ລາວລີ ຮອງນາຍົກລັດຖະມົນຕີ ຜູ້ຊີ້ນຳວຽກງານການປົກຄອງ ພ້ອມດ້ວຍຄະນະນຳສະພາແຫ່ງຊາດ ຄະນະປັບປຸງລັດຖະທຳມະນູນ ແລະ ກົດໝາຍລະດັບຊາດ ວິທະຍາກອນ ຊ່ຽວຊານຈາກ ສສ ຫວຽດນາມ ແລະ ພາກສ່ວນກ່ຽວຂ້ອງເຂົ້າຮ່ວມ.
ການສຳມະນາໃນຄັ້ງນີ້ ເພື່ອຍົກລະດັບທາງດ້ານຄວາມຮູ້ ທິດສະດີ ຫຼັກການພື້ນຖານກ່ຽວກັບການສ້າງປັບປຸງລັດຖະທຳມະນູນ ສ້າງ-ປັບປຸງກົດໝາຍ ເວົ້າລວມ ກົດໝາຍທີ່ພົວພັນເຖິງສະພາແຫ່ງຊາດ ເວົ້າສະເພາະແມ່ນສະພາປະຊາຊົນທ້ອງຖິ່ນ ພ້ອມນັ້ນ ກໍ່ເພື່ອແລກປ່ຽນບົດຮຽນ ທິດສະດີ ພຶດຕິກຳໃນການ ສ້າງປັບປຸງລັດຖະທຳມະນູນ ແລະ ກົດໝາຍຂອງສະພາແຫ່ງຊາດ ສສ ຫວຽດນາມ ເຊິ່ງຫົວຂໍ້ທີ່ນຳມາສຳມະນາໃນຄັ້ງນີ້ ມີບັນຫາພື້ນຖານກ່ຽວກັບລັດຂອງ ສສ ຫວຽດນາມ ສະພາແຫ່ງຊາດກັບການເລືອກຕັ້ງ ການແຕ່ງຕັ້ງ ປົດຕຳແໜ່ງ ແລະ ບັນຫາຕຳແໜ່ງອື່ນໆທີ່ສຳຄັນ ກົດໝາຍວ່າດ້ວຍການປົກຄອງທ້ອງຖິ່ນຂອງ ສສ ຫວຽດນາມ ແລະ ສົນທະນາແລກປ່ຽນບັນດາຄຳຖາມເຈາະຈີ້ມ 12 ຫົວຂໍ້ທີ່ຝ່າຍລາວສົນໃຈ.
ແຫລ່ງຂ່າວ:
