ຫລ້າສຸດ ມີລາຍງານວ່າ iPhone ເອງ ກໍຈະໃຊ້ຈໍໂຄ້ງແບບ OLED ດ້ວຍເຊັ່ນກັນ ແຕ່ໜ້າຈໍດັ່ງກ່າວ ຈະຜະລິດໂດຍ ຊຳຊຸງ ແລະຈະເລີ່ມທຳການທົດສອບໃນເດືອນພະຈິກນີ້ ຄາດວ່າ ຈະເປີດຕົວກັບ iPhone ອີກໃນປີ 2018
ໂດຍ ຜູ້ຜະລິດ ໜ້າຈໍໂຄ້ງ OLED ເທິງ Apple Watch ລາຍຫລັກແລະລາຍດຽວຂອງແອັບເປີ້ນໃນຕອນນີ້ ນັ້ນກໍຄື LG Display ຊຶ່ງສາມາດສ້າງລາຍໄດ້ໃຫ້ກັບ LG Display ເຖິງ 1.4 ລ້ານວອນ ຫລືປະມານ 1.012 ລ້ານກີບ ສະເພາະປີ 2015 ປີດຽວເທົ່ານັ້ນ ຊຶ່ງບໍ່ໜ້າແປກໃຈວ່າ ເພາະເຫດໃດ ຊຳຊຸງ ຈຶ່ງຕ້ອງການເປັນຜູ້ຜະລິດລາຍຫລັກໃຫ້ກັບ ແອັບເປີ້ນ ດ້ວຍເຊັ່ນກັນ
ສ່ວນຊິບເຊັດ Apple A9 ທີ່ໃຊ້ກັບ iPhone 6S ແລະ iPhone 6S Plus ນັ້ນ ມີຜູ້ຜະລິດລາຍຫລັກຄື TSMC ໃນຂະນະທີ່ທາງ ຊຳຊຸງ ກໍສະເໜີຕົວຂໍເປັນຜູ້ຜະລິດດ້ວຍເຊັ່ນກັນ ເຮັດໃຫ້ສຸດທ້າຍ ຜູ້ຜະລິດຊິບເຊັດ Apple A9 ມີທັງໝົດ 2 ລາຍ ນັ້ນກໍຄື TSMC ກັບ ຊຳຊຸງ