ສຳນັກຂ່າວຕ່າງປະເທດ ລາຍງານໃນວັນທີ 26 ຕຸລານີ້ວ່າ ທ່ານ Maung Maunh Thein ລັດຖະມົນຕີຊ່ວຍວ່າການ ກະຊວງການເງິນມຽນມາ, ປະທານຄະນະກຳມະການຫລັກຊັບ ແລະ ທີ່ປຶກສາຕະຫລາດຮຸ້ນ ໄດ້ຮຽກຮ້ອງໃຫ້ບັນດາບໍລິສັດນຳໜ້າຢູ່ມຽນມາ ເຂົ້າຈົດທະບຽນໃນຕະຫລາດຫລັກຊັບຢາງກຸ້ງ ຊຶ່ງເປັນຕະຫລາດທຶນແຫ່ງທຳອິດຂອງປະເທດ ໂດຍມີອັກສອນຫຍໍ້ວ່າ YEX ມີກຳນົດເປີດທຳການຊື້ຂາຍໃນເດືອນທັນວາປີນີ້.
ທັງນີ້ ຕະຫລາດຫລັກຊັບຢາງກຸ້ງ ແມ່ນເປັນການຮ່ວມທຶນລະຫວ່າງ Myanmar Economic Bank ຖືຮຸ້ນໃຫຍ່ 51%, ບໍລິສັດ Daiwa Institute of Research Ltd ຂອງຍີ່ປຸ່ນ ຖືຮຸ້ນ 30.25% ແລະ ກຸ່ມບໍລິສັດຕະຫລາດຮຸ້ນຍີ່ປຸ່ນ (Japan Exchange Group) ຮ່ວມຖືຮຸ້ນອີກ 18.75%.
