ແມ່ນວ່າແອັບເປີ້ນອອກມາປະກາດວ່າມີຄົົນທີ່ອັບເດດເຄື່ອງໄປເປັນ iOS 9 ແລ້ວຫລາຍກວ່າ 50% ຂອງຜູ້ໃຊ້ທັງໝົດ ຈົນເປັນ iOS ເວີລ໌ຊັນທີ່ມີຜູ້ອັບເດດຂຶ້ນໄປໄວທີ່ສຸດຕັ້ງແຕ່ເຄີຍມີມາ ແຕ່ກໍຍັງມີຫລາຍຄົົນທີ່ບໍ່ມັກ ແລະຢາກຈະກັບໄປ iOS 8.4.1 ມື້ນີ້ເຮົາມີວິທີມາຝາກ
ກຽມເຄື່ອງກ່ອນ Downgrade
ຄອມພິວເຕີ ທີ່ລົງໂປຣແກຣມ iTunes ເວີລ໌ຊັນຫລ້າສຸດເອົາໄວ້
ເຄື່ອງ iPhone, iPad, iPod Touch ທີ່ໃຊ້ iOS 9.0
ໂຫລດໄຟລ໌ Firmware ເວີລ໌ຊັນ 8.4.1 ເອົາໄວ້
Backup ຂໍ້ມູນທີ່ເຄີຍເກັບໄວ້ຕອນເວີລ໌ຊັນ 8.4.1 (ຖ້າບໍ່ເຄີຍເກັບ Backup ໄວ້ແນະນຳໃຫ້ອ່ານຄຳເຕືອນດ້ານລຸມນີ້)
ຄຳເຕືອນກ່ອນ Downgrade
Backup ທີ່ເຮົາເກັບໄວ້ຂອງເວີລ໌ຊັນ 9.0 ຈະບໍ່ສາມາດນຳມາໃຊ້ກັບ 8.4.1 ໄດ້ ເພາະເປັນເວີລ໌ຊັນທີ່ໃໝ່ກວ່າ
ນັ້ນໝາຍຄວາມວ່າ ຖ້າເຈົ້າບໍ່ເຄີຍທຳການ Backup ຂໍ້ມູນຕອນທີ່ໃຊ້ເວີລ໌ຊັນ 8.4.1 ເອົາໄວ້ເລີຍ ຖ້າທຳການ Downgrade ກັບຈາກ 9.0 ມາ 8.4.1 ເຈົ້າຈະໄດ້ເຄື່ອງເປົ່າໆ ບໍ່ມີຂໍ້ມູນຢູ່ໃນນັ້ນ
ແຕ່ຖ້າເຈົ້າເຄີຍມີ Backup ຂອງເວີລ໌ຊັນ 8.4.1 ເອົາໄວ້ໃນເຄື່ອງ ກໍສາມາດ Downgrade ແລ້ວນຳຂໍ້ມູນຈາກ Backup ນັ້ນມາໃຊ້ໄດ້
ວິທີ Downgrade ຈາກ iOS 9.0 ມາ iOS 8.4.1
ເປີດ iPhone, iPad ຫລື iPod Touch ແລ້ວສຽບສາຍ Sync ເຂົ້າກັບຄອມພິວເຕີ
ເປີດໂປຣແກຣມ iTunes ເວີລ໌ຊັນຫລ້າສຸດ
ທຳການ Backup ຂໍ້ມູນທັງໝົດກ່ອນທີ່ຈະ Downgrade
ກົດເຂົ້າ Recovery Mode ໂດຍເຮັດຕາມຂັ້ນຕອນດັ່ງນີ້
ປິດເຄື່ອງ ໂດຍກົດທີ່ປຸ່ມ Power ຄ້າງໄວ້ ແລ້ວ Slide to Power Off
ກົດປຸ່ມ Power ຄ້າງໄວ້ 3 ວິນາທີເພື່ອເປີດເຄື່ອງ
ຈາກນັ້ນປ່ອຍປຸ່ມ Power ແລ້ວກົດປຸ່ມ Home ຄ້າງໄວ້ອີກ 10 ວິນາທີ ຫລືຈົນກວ່າຈະຂຶ້ນໂລໂກ້ຮູບສຽບສາຍກັບ iTunes ເທິງໜ້າຈໍ
ຖ້າເຮັດແລ້ວບໍ່ມີໜ້າຈໍດັ່ງກ່າວຂຶ້ນມາ ໃຫ້ກັບໄປເລີ່ມຂໍ້ທຳອິດຂອງການເຮັດ Recovery Mode ໃໝ່
ຖ້າຂຶ້ນໜ້າຕ່າງເຕືອນ ໃຫ້ກົດໄປທີ່ Cancel
ເມື່ອເຂົ້າ Recovery Mode ແລ້ວ ກົດປຸ່ມ Shift ຄ້າງໄວ້ (ຖ້າເທິງແມັກບຸກໃຫ້ກົດປຸ່ມ Alt ຄ້າງໄວ້) ແລ້ວເລືອກໄປທີ່ Restore
ຈາກນັ້ນເລືອກໄຟລ໌ Firmware iOS 8.4.1 ທີ່ໂຫລດມາເກັບໄວ້
ລໍຖ້າປະມານ 20 ນາທີ ກໍຈະໄດ້ເຄື່ອງກັບມາເປັນ iOS 8.4.1 ແລ້ວ
ຖ້າໃຜທີ່ມີ Backup ຂອງເວີລ໌ຊັນ 8.4.1 ເກັບໄວ້ເທິງຄອມພິວເຕີ ກໍສາມາດເລືອກເອົາຂໍ້ມູນຈາກ Backup ນັ້ນໄດ້ເລີຍ