ສາເຫດຫລັກທີ່ທາງ ແອບເປີນ ບໍ່ແນະນຳໃຫ້ຜູ້ໃຊ້ iOS ທຳການເຈລເບຣກ (Jailbreak) ເຄື່ອງ ເປັນເພາະມີຜົນກະທົບຕໍ່ການປະມວນຜົນນັ້ນເອງ ແຕ່ເຫດຜົນນີ້ ຈະເປັນຄວາມຈິງ ຫລືເປັນພຽງແຕ່ຄຳເວົ້າທີ່ ແອບເປີນ ຕ້ອງການໃຫ້ຜູ້ໃຊ້ຫລົງເຊື່ອກັນແທ້ ຫລ້າສຸດ ທາງ iAppleBytes ໄດ້ເຮັດຄລິບວີດີໂອທົດສອບ ເພື່ອພິສູດຄວາມຈິງດັ່ງກ່າວແລ້ວ
ໂດຍ iAppleBytes ໄດ້ນຳ iPhone 5S ທີ່ຫລິ້ນ iOS 9.0.2 ມາປຽບທຽບກັນ ໂດຍເຄື່ອງທຳອິດ ເປັນເຄື່ອງປົກກະຕິ ສ່ວນອີກເຄື່ອງ ຜ່ານການເຈລເບຣກໂດຍເຄື່ອງມື Pangu ທີ່ຫາກໍ່ປ່ອຍໃຫ້ດາວໂຫລດກັນແບບສົດໆ ຮ້ອນໆ
ຜົນປາກົດວ່າ iPhone 5S ທີ່ບໍ່ໄດ້ຜ່ານການເຈລເບຣກນັ້ນ ປະມວນຜົນໄດ້ວ່ອງໄວກວ່າ iPhone 5S ອີກເຄື່ອງທີ່ຜ່ານການເຈລເບຣກ Pangu ມາທັງການເປີດເຄື່ອງ ທີ່ກິນເວລາພຽງ 38.8 ວິນາທີ ຜິດກັບເຄື່ອງທີ່ຜ່ານການເຈລເບຣກ ທີ່ກິນເວລາດົນເຖິງ 51.2 ວິນາທີ ລວມໄປເຖິງການໃຊ້ງານດ້ານອື່ນໆ ເຊັ່ນ ການເປີດແອັບພິເຄຊັນ, ລະບົບ Multitasking ລວມໄປເຖິງ Siri ອີກດ້ວຍ