ສຳນັກຂ່າວຕ່າງປະເທດ ລາຍງານໃນວັນທີ 22 ຕຸລາຜ່ານມານີ້ວ່າ ທະນາຄານໂລກ ໄດ້ຄາດຄະເນຫລຸດລາຄານ້ຳມັນດິບລົງເຫລືອພຽງ 52 ໂດລາສະຫະລັດຕໍ່ຖັງ ເຮັດໃຫ້ລາຄາພະລັງງານໃນປີ 2015 ຄາດວ່າຈະຢູ່ໃນລະດັບປານກາງ ແລະ ຍັງຄາດຄະເນລາຄານ້ຳມັນໃນປີ 2016 ຈະຫລຸດລົງເຫລືອພຽງ 51 ໂດລາສະຫະລັດຖັງ. ບັນດານັກຊ່ຽວຊານທະນາຄານໂລກຖືວ່າ ລາຄາພະລັງງານຫລຸດລົງ ແມ່ນຍ້ອນບັນດາການເຄື່ອນໄຫວເສດຖະກິດທົ່ວໂລກຊັກຊ້າ ແລະ ການສະສົມນ້ຳມັນໃນປັດຈຸບັນຢູ່ໃນລະດັບສູງພໍສົມຄວນ.