spot_img
Homeຂ່າວພາຍ​ໃນປະທານປະເທດຕ້ອນຮັບ ປະທານອົງການ ກອຍກາ ເຂົ້າຢ້ຽມຄຳນັບ

ປະທານປະເທດຕ້ອນຮັບ ປະທານອົງການ ກອຍກາ ເຂົ້າຢ້ຽມຄຳນັບ

Published on

wed27nov3

ໃນຕອນແລງວັນທີ 22 ພະຈິກ 2013 ທ່ານ ຈູມມາລີ ໄຊຍະສອນ, ປະທານປະ ເທດ
ແຫ່ງສາທາລະນະລັດ ປະຊາທິປະໄຕ ປະຊາຊົນ ລາວ ໄດ້ ຕ້ອນຮັບການເຂົ້າຢ້ຽມຄຳນັບ ຂອງທ່ານ ຄີມ ຢົງ ມອກ ປະ ທານ ອົງການ ກອຍກາ ພ້ອມ ຄະນະທີ່ໂຮງແຮມ ລັອດແຕ ນະຄອນເຊອຸນ ສ.ເກົາ ຫລີ.
ໃນໂອກາດດັ່ງກ່າວທ່ານ ປະທານປະທດກໍໄດ້ສະແດງ ຄວາມຊົມເຊີຍ ແລະ ຕີລາຄາ ສູງຕໍ່ສາຍພົວພັນການຮ່ວມມື  ສອງຝ່າຍໃນໄລຍະຜ່ານມາ ທີ່ ໄດ້ສືບຕໍ່ຂະຫຍາຍຕົວ ຢ່າງຕໍ່ເນື່ອງ, ສອງປະເທດ ໄດ້ມີການປ່ຽນການຢ້ຽມຢາມ ຂອງບັນດາການນຳ       ແລະ
ຄະນະຜູ້ແທນຂະແໜງການ ຕ່າງໆ ໃນທຸກລະດັບ ນັບມື້ ນັບເພີ່ມຂື້ນອັນໄດ້ເຮັດໃຫ້ ສປປ ລາວ  ແລະ  ສ ເກົາຫລີ ມີຄວາມເຂົ້າອົກເຂົ້າໃຈກັນ ໜັກແໜ້ນຂື້ນ. ໃນໄລຍະ ຜ່ານມາ, ສ ເກົາຫລີ ໄດ້ໃຫ້ ການຊ່ວຍເຫລືອແກ່ ສປປ ລາວ ໂດຍຜ່ານອົງການ ກອຍກາ ແລະ ຊ່ອງທາງອື່ນໆ ໃນນີ້, ນັບແຕ່ປີ 2007-2012. ການຊ່ວຍເຫລືອຜ່ານ ບ້ວງການຮ່ວມມືສອງຝ່າຍ  ໂດຍຜ່ານອົງການກອຍກາມີ ມູນຄ່າທັງໝົດ 33.55.000 ໂດລາສະຫະລັດ. ສົກປີ 2012-2013 ມູນຄ່າການ ຊ່ວຍເຫລືອ ປະມານ 8-9 ລ້ານໂດລາສະຫະລັດ. ການ ຊ່ວຍເຫລືອດັ່ງກ່າວແມ່ນໄດ້ປະກອບສ່ວນສຳຄັນເຂົ້າໃນ ການພັດທະນາເສດຖະກິດ-ສັງ ຄົມຂອງ ສປປ ລາວ ຢ່າງ ແທ້ຈິງ ແລະ ສອດຄ່ອງກັບ ນະໂຍບາຍ ແລະ ຍຸດທະ ສາດຂອງລັດຖະບານ ສປປ ລາວ ທີ່ໄດ້ກຳນົດໄວ້ໃນແຜນ ການ 5 ປີ (2011-2015).
ນອກຈາກນັ້ນ, ສ ເກົາຫລີ ຍັງໄດ້ສະໜອງທຶນຝືກອົບຮົມ ໄລຍະສັ້ນ 70-80 ຄົນຕໍ່ປີ ແລະ ທຶນໄລຍະຍາວ (ປະລິນ ໂທ) 5-7 ຄົນຕໍ່ປີ, ສະໜອງ ອາສາສະໝັກ 60 ຄົນຕໍ່ປີ ແລະ ຊ່ຽວຊານປະມານ 10 ຄົນຕໍ່ປີ ພ້ອມກັນນີ້, ສອງ ປະເທດກຳລັງປືກສາຫາລື ກ່ຽວກັບແຜນຍຸດທະສາດ ການຮ່ວມມື ໄລຍະແຜ່ປີ 2014-2017 ໂດຍສຸມໃສ່ຂົງ ເຂດການພັດທະນາດ້ານການ ສຶກສາ, ການພັດທະນາດ້ານ ສາທາລະນະສຸກ ແລະ ການ ພັດທະນາຊົນນະບົດ.
ຕອນທ້າຍທານປະທານ ປະເທດກໍໄດ້ ສະແດງຂອບ ໃຈ ແລະ ຮູ້ບຸນຄຸນຕໍ່ລັດຖະ ບານ ແລະ ປະຊາຊົນ ສ ເກົາ ຫລີ ທີ່ໄດ້ປະກອບສ່ວນໃຫ້ ການຊ່ວຍເຫລືອເຂົ້າໃນການ ພັດທະນາເສດຖະກິດ – ສັງ ຄົມ ສປປ ລາວ ໃນໄລຍະ ຜ່ານມາ ຊຶ່ງບັນດາໂຄງການ ເຫລົ່ານັ້ນມີບາງອັນໄດ້ສໍາ ເລັດ ແລະ ເປີດນໍາໃຊ້ແລ້ວ ແລະ ບາງອັນກໍາລັງດໍາເນີນ ການຈັດຕັ້ງປະຕິບັດຢູ່ໃນປັດ ຈຸບັນ.
ໃນໂອກາດເຂົ້າຢ້ຽມຂໍ່າ ນັບປະທານປະເທດ ຈູມມາ ລີ ໄຊຍະສອນ ຂອງປະທານ ປະທານອົງການກອຍກາຄັ້ງ ນີ້ ທ່ານກໍໄດ້ສະແດງຄວາມ  ຂອບໃຈທີ່ໄດ້ຍາດເວລາອັນ ລ້ຳຄ່າ ແລະ ໃຫ້ກຽດຕ້ອນຮັບ ຂອງທ່ານ ຈູມມາລີ ໄຊຍະ ສອນ ແລະ ກ່າວ່າຈະສືບຕໍ່ ໃຫ້ການຮ່ວມມື ແລະ ຊ່ວຍ ສປປ ລາວ ໃນຂັ້ນຕໍ່ໄປ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ

ເຄື່ອນຍ້າຍອັດຖິ ພົນເອກ ຄຳໄຕ ສີພັນດອນ ໄປສະຖິດຢູ່ ສຸສານນັກຮົບປະຕິວັດແຫ່ງຊາດ ພິທີເຄື່ອນຍ້າຍອັດຖິຂອງ ສະຫາຍ ພົນເອກ ຄໍາໄຕ ສີພັນດອນ ອະດີດປະທານຄະນະບໍລິຫານງານສູນກາງພັກ, ອະດີດປະທານປະເທດ ແຫ່ງ ສາທາລະນະລັດ...

ມອບ-ຮັບງົບປະມານ ໃນການສ້ອມແປງເສັ້ນທາງ 16B ໄລຍະທາງ 8 ກິໂລແມັດ

ກຽມສ້ອມແປງເສັ້ນທາງ 16B ດ້ວຍງົບປະມານມູນຄ່າ 445.053,17 ໂດລາສະຫະລັດ ໃນວັນທີ 22 ເມສາ ນີ້ ທີ່ຫ້ອງປະຊຸມ ພະແນກໂຍທາທິການ ແລະ ຂົນສົ່ງແຂວງເຊກອງ ໄດ້ມີພິທີມອບ-ຮັບງົບປະມານ ໃນການສ້ອມແປງເສັ້ນທາງ...

ກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025.

ຫສນຍ ຈັດກອງປະຊຸມສະຫຼຸບວຽກງານຮອບດ້ານ ປະຈຳປີ 2024 ແລະ ທິດທາງແຜນວຽກງານຈຸດສຸມ ປີ 2025. ໃນຕອນເຊົ້າວັນທີ 21 ເມສາ 2025 ທີ່ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການນໍາພາ-ຊີ້ນໍາວຽກງານຮອບດ້ານ...

ແຈ້ງການສະພາບອາກາດປະຈຳວັນທີ 23 ເມສາ 025

ພະຍາກອນອາກາດແຕ່ເວລາ 07 ໂມງ ຂອງວັນທີ 23/04/2025 ຫາ ເວລາ 07 ໂມງ ຂອງວັນທີ 24/04/2025. ຄວາມກົດດັນຕໍ່າຂອງອາກາດຮ້ອນມີກໍາລັງປານກາງ ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມ ຕາເວັນຕົກພັດປົກຄຸມເປັນສ່ວນໃຫຍ່,...