ສຳນັກຂ່າວຕ່າງປະເທດ ລາຍງານໃນວັນທີ 22 ຕຸລານີ້ວ່າ ປະທານາທິບໍດີ ສີຈິ້ນຜິງ ແຫ່ງສາທາລະນະລັດປະຊາຊົນຈີນ ໄດ້ພົບປະຫາລືກັບ ນາຍົກລັດຖະມົນຕີ ເດວິດ ກາເມຣອນ ແລະ ບັນດານັກທຸລະກິດ ທີ່ນະຄອນຫລວງລອນດອນ ໃນວັນທີ 21 ຕຸລາຜ່ານມາ ຊຶ່ງເປັນມື້ທີສອງຂອງການຢ້ຽມຢາມ ສະຫະຣາຊະອານາຈັກ ຫລື ອັງກິດຢ່າງເປັນທາງການຂອງຜູ້ນຳຈີນ. ໂດຍການພົບປະຄັ້ງນີ້ ໄດ້ມີການລົງນາມໃນ ຂໍ້ຕົກລົງດ້ານພະລັງງານນິວເຄລຍ ລະຫວ່າງສອງປະເທດ ໂດຍຝ່າຍຈີນ ຈະສະໜັບສະໜູນດ້ານການເງິນ ມູນຄ່າ 46 ຕື້ໂດລາສະຫະລັດ ໃນການເຂົ້າຖືຮຸ້ນປະມານ 30% ເພື່ອລົງທຶນໃນໂຄງການໂຮງໄຟຟ້າ ພະລັງງານນິວເຄລຍ ພາຍໃນປະເທດອັງກິດ ຊຶ່ງມີກຳນົດກໍ່ສ້າງສຳເລັດ ພາຍໃນປີ 2025.
