ສຳນັກຂ່າວຕ່າງປະເທດ ລາຍງານໃນວັນທີ 21 ຕຸລານີ້ວ່າ ກະຊວງປ້ອງກັນປະເທດສະຫະລັດອາເມຣິກາ ໄດ້ຖະແຫລງໃນມື້ວານນີ້ (20 ຕຸລາ) ວ່າ ພວກເຂົາໄດ້ລົງນາມ ບົດບັນທຶກຄວາມເຂົ້າໃຈ ຫລື MOU ກ່ຽວກັບຄວາມປອດໄພການບິນ ຮ່ວມກັບກອງທັບຣັດເຊຍ ເພື່ອປ້ອງກັນບໍ່ໃຫ້ເກີດຂໍ້ຜິດພາດ ລະຫວ່າງເຮືອບິນສູ້ຮົບຂອງທັງສອງປະເທດ ໃນຂະນະປະຕິບັດພາລະກິດຢູ່ນ່ານຟ້າປະເທດຊີຣີ ຊຶ່ງເປັນຜົນສຳເລັດຈາກການເຈລະຈາກັນ ດົນກ່ວາ 3 ອາທິດ.
ທັງນີ້ ເນື່ອງຈາກທັງສອງຝ່າຍ ມີຄວາມເປັນຫ່ວງເລື່ອງຄວາມຜິດພາດ ທີ່ອາດຈະເກີດຂຶ້ນຈາກການຖືກລູກຫລົງ ຫລື ການປະຕິບັດເສັ້ນທາງບິນ ທີ່ອາດເຮັດໃຫ້ເຮືອບິນຕຳກັນກາງອາກາດໄດ້.