ສາວໆ ແຕ່ລະຄົນມີຮີມສົບທີ່ບໍ່ຄືກັນ ແລະມີບັນຫາກັບຮີມສົບແຕກຕ່າງກັນໄປ ບາງຄົນຮີມສົບໃຫຍ່ບາງຄົນປາກນ້ອຍ ປາກແຫ້ງງ່າຍ ແຕ່ບໍ່ຕ້ອງກັງວົນໄປ ພຽງມີເທັກນິກດີໆເຫລົ່ານີ້ຮີມສົບ ຂອງທ່ານກໍກັບມາງາມແລ້ວ
ປາກໃຫຍ່ ແກ້ໄຂແນວໃດດີ ສຳລັບສາວໆ ທີ່ມີບັນຫາປາກໃຫຍ່ ແຕ່ບໍ່ມັກກໍຕ້ອງພະຍາຍາມປົກປິດ ດ້ວຍການໃຊ້ຄອນຊີນເລີທາເທິງຂອບປາກທີ່ຕ້ອງການຈະລຸດຂະໜາດ ແລ້ວໃຊ້ແປ້ງຝຸ່ນເຊດອີກເທື່ອ ສຸດທ້າຍ ທາລິບຕາມປົກກະຕິ ແຕ່ຢ່າທາເກີນອອກມາຫລາຍ ເພາະບໍ່ຢ່າງນັ້ນປາກກໍຈະເບິ່ງໃຫຍ່ຄືເກົ່າ
ປາກນ້ອຍເກີນໄປ ທາລິບບໍ່ຄ່ອຍເຫັນ ຄວນໃຊ້ລິບໄລເນີລ໌ແຕ້ມກາຍຂອບປາກອອກມາເລັກນ້ອຍ ຈາກນັ້ນ ລະບາຍ ລິບໄລເນີລ໌ໃຫ້ເຕັມຮີມສົບເພື່ອໃຫ້ຕິດທົນດົນຫລາຍຂຶ້ນ ແລ້ວຄ່ອຍທາລິບຕາມປົກກະຕິ ອີກເທກນິກທີ່ງ່າຍກໍຄືການທາລິບສີປົກກະຕິແລ້ວເມ້ມປາກຂຶ້ນລົງໄປມາ ໃຫ້ລິບເກີນຂອບປາກເລັກນ້ອຍ ເທົ່ານີ້ກໍໄດ້ລິມຝີປາກໃຫຍ່ໆງາມແລ້ວ
ປາກແຫ້ງຫລາຍ ການໃຊ້ລິບບາລ໌ເພື່ອບຳລຸງຮີມສົບຍັງຖືເປັນສິ່ງສຳຄັນທີ່ສຸດ ຫລາຍຄົນມັກລືມຂັ້ນຕອນນີ້ ດັ່ງນັ້ນ ກ່ອນນອນທຸກຄືນຢ່າງນ້ອຍຄວນທາລິບບາລ໌ປິໂຕລຽມເຈນລີ່ເພື່ອບຳລຸງ
ປາກລອກ ການສະຄຣັບປາກຖືເປັນສິ່ງຈຳເປັນພໍໆ ກັບການສະຄຣັບຜິວຕົວ ສຳລັບໃຜ ທີ່ມີປາກລອກເປັນຂຸຍແນະນຳວ່າກ່ອນທາລິບສີສົດໆ ຄວນສະຄຣັບຊະກ່ອນ ຫລື ຈະນຳນ້ຳເຜຶ້ງມາປະສົມນ້ຳຕານຊາຍແລ້ວນຳມາຖູທີ່ປາກ ແທນສະຄຣັບກໍໄດ້