ເມື່ອບໍ່ດົນມານີ້, ສານປະຊາຊົນແຂວງຫົວພັນ, ໄດ້ຕັດສິນລົງໂທດ​ທ້າວອີ​ມພອນອາຍຸ25 ປີ ຢູ່​ບ້ານ​ພັນ​ໄຊໃຫ້​ຈຳ​ຄຸກ 4 ປີ 6 ​ເດືອນ, ທ້າວທອງອາຍຸ 42 ປີຢູ່​ບ້ານ​ຊຳ​ເໜືອ, ທ້າວຕຸ້ຍອາຍຸ 32 ປີຢູ່​ບ້ານ​ທາດ​ເມືອງ, ທ້າວສອນ​ເພັດ ​ແລະ ທ້າວສອນອາຍຸ 22 ປີຢູ່​ບ້ານ​ມີ​ສຸກ,​ເມືອງ​ຊຳ​ເໜືອ ແລະ ທ້າວ ໄມ​ ບຸນ​ປອນ ອາຍຸ 32 ປີຢູ່​ບ້ານ​ກາງ​ເມືອງ​ສົບ​ເບົາ, ທ້າວສີ​ທອນອາຍຸ 30 ປີຢູ່​ບ້ານ​ພຽງ​ຖິ່ນໃຫ້​ຈຳ​ຄຸກ​ຜູ້​ລະ 3 ປີ​ 6 ​ເດືອນ ​ແລະ ທ້າວສອນ​ໄຊອາຍຸ 25 ປີຢູ່​ບ້ານ​ພັນ​ສະຫວັນເມືອງ​ຊຳ​ໃຕ້ໃຫ້ຈໍາຄຸກ 1 ປີ 4 ເດືອນ, ພ້ອມປັບໄໝເງິນຈໍານວນໜຶ່ງ, ໃນຂໍ້ຫາລັກຊັບພົນລະເມືອງ, ໂດຍພວກກ່ຽວແມ່ນກຸ່ມແກ໋ງລັກຊັບອັນຕະລາຍທີ່ຮ່ວມກັນເຄື່ອນໄຫວລາດຕະເວນລັກລົດຈັກປະຊາຊົນໃນແຂວງຫົວພັນມາແລ້ວຫລາຍກວ່າ 20 ຄັນ ແລະ ເອົາໄປຂາຍໄດ້ເງິນມາແບ່ງກັນ. ກ່ອນຈະຖືກເຈົ້າໜ້າທີ່ປກສແຂວງຫົວພັນຈັບຕົວມາດໍາເນີນຄະດີຕາມລະບຽບກົດໝາຍ.

ຂ່າວຈາກ ໜັງສືພິມລາວພັດທະນາ