ສຳນັກຂ່າວຕ່າງປະເທດ ລາຍງານໃນວັນທີ 20 ຕຸລາຜ່ານມານີ້ວ່າ ທ່ານ ມໍເຕັນ ບູສເຕຣຸນ ນັກທຸລະກິດ ແລະ ນັກສະສົມຊາວນອກແວ ໄດ້ມອບຮູບແກະສະຫລັກຫີນ ສຽນພຣະສິວະ ສະໄໝສະຕະວັດທີ 9 ແລະ ສຽນເທບພະເຈົ້າ ສະໄໝທ້າຍສະຕະວັດທີ 12 ສົ່ງຄືນໃຫ້ແກ່ຊາວກຳປູເຈຍ ໂດຍຜ່ານທ່ານ ນາງ ເຟືອງ ສະກຸນາ ລັດຖະມົນຕີວ່າການກະຊວງວັດທະນະທຳ ແລະ ວິຈິດສິນກຳປູເຈຍ ທີ່ນະຄອນຫລວງພະນົມເປັນ.
ທັງນີ້ ວັດຖຸບູຮານຂອງກຳປູເຈຍ ໄດ້ຖືກລັກລອບເພື່ອຄ້າຂາຍຢ່າງຜິດກົດໝາຍ ໃນໄລຍະຊຸມປີ 1970 ຊຶ່ງເປັນເວລາທີ່ປະເທດຕົກຢູ່ໃນສະພາວະສົງຄາມ ໂດຍການສົ່ງມອບວັດຖຸບູຮານດັ່ງກ່າວໃຫ້ກຳປູເຈຍຄັ້ງນີ້ ທ່ານ ມໍເຕັນ ໄດ້ກ່າວວ່າ ເຂົາຕ້ອງການມອບໃຫ້ພິພິທະພັນແຫ່ງຊາດ ໃນນະຄອນຫລວງພະນົມເປັນ ເປັນຜູ້ເບິ່ງແຍງຮັກສາວັດຖຸເຫລົ່ານີ້ ແລະ ຈັດສະແດງຕໍ່ສາທາລະນະ ພ້ອມທັງໃຊ້ເພື່ອປະໂຫຍດໃນດ້ານການສຶກສາຄົ້ນຄ້ວາ.