ຄົບກັນໄປກໍຍິ່ງໝັ້ນໃຈວ່າ ແຟນຂີ້ໃຈຮ້າຍ ບໍ່ມີເຫດຜົນ ລົມກັນເມື່ອໃດກໍບໍ່ຮູ້ເລື່ອງ ຍິ່ງຖ້າສວນກັນທັນທີກໍຍິ່ງໄປກັນໃຫຍ່ ມາເບິ່ງວິທີການຮັບມື ‘ແຟນຂີ້ໃຈຮ້າຍ’ ກັນວ່າເຮົາຈະເອົາຢູ່ຫລືບໍ່ ເພາະບໍ່ແມ່ນພຽງ ເຮັດໃຈເຢັນລົງເທົ່ານັ້ນ ແຕ່ມີແຟນຂີ້ໃຈຮ້າຍຕ້ອງວາງແຜນແລະຈັດການໃຫ້ຢູ່ໝັດ
ເປັນນັກຟັງທີ່ດີ
ຕັ້ງໃຈຟັງໃນສິ່ງທີ່ພວກເຂົາກຳລັງເວົ້າ ປ່ອຍໃຫ້ພວກເຂົາເວົ້າສິ່ງທີ່ ຂ້ອງໃຈເພື່ອລະບາຍອອກມາ ແຕ່ຕ້ອງບໍ່ຕາມໃຈທຸກເລື່ອງ ເພາະພວກເຂົາຈະຈັບໄດ້ວ່າເຮົາກຳລັງຕົວະ ຂໍພຽງໃຫ້ຮັບຮູ້ວ່າເຮົາພ້ອມທີ່ຈະຮັບຟັງສະເໝີ
ເຮົາຜິດເອງ ເຂົາບໍ່ຜິດ
“ການປ້ອງກັນຕົວໂດຍບອກວ່າພວກເຂົາບໍ່ຜິດແລະເຮົາຜິດ” ຄືກົດຂໍ້ທຳອິດຂອງວິທີຮັບມືກັບຄົນຂີ້ໃຈຮ້າຍ ເມື່ອພວກເຂົາກຳລັງມີອາລົມຮ້າຍ ຢ່າກະຕຸ້ນອາລົມຂີ້ໃຈຮ້າຍດ້ວຍການບອກວ່າພວກເຂົາຄວນຢຸດແລ້ວບອກຂໍ້ຜິດພາດຕ່າງ ໆ ຂອງພວກເຂົາ ເພາະຈະເຮັດໃຫ້ບັນຍາກາດຮ້ອນຂຶ້ນໄປກວ່າເດີມ
ຄົ້ນຫາສາເຫດທີ່ມາ
ພວກເຂົາອາດອາລົມຮ້າຍມາຈາກສາເຫດອື່ນ ຢ່າຟ້າວຕີຕົນໄປກ່ອນໄຂ້ວ່າເປັນເພາະເຮົາ ວິທີຮັບມື ຄືລອງຫາສາເຫດທີ່ນຳມາຊຶ່ງຄວາມບໍ່ພໍໃຈນີ້ ເຊັ່ນ ບາງຄົນໃຈຮ້າຍທຸກເທື່ອກັບເລື່ອງບາງເລື່ອງ ອາດເປັນເພາະພວກເຂົາເຄີຍມີປະສົບການທີ່ບໍ່ຄ່ອຍດີມາກ່ອນ ການໂອ້ລົມ ຖາມໄຖ່ ແລະໃຫ້ກຳລັງໃຈກັນ ກໍຈະຊ່ວຍໃຫ້ບັນຫາໃນໃຈຜ່ອນຄາຍລົງໄດ້ນຳ
ຄວາມຮັກເທົ່າກັບອົດທົນ
ການອົດທົນບໍ່ໄດ້ແປວ່າງຽບໃສ່ກັນ ແຕ່ຄືວິທີຍອມຮັບວ່າແຕ່ລະຄົນຕ່າງມີທີ່ມາຕ່າງກັນ ມີນິໄສເດີມຕ່າງກັນ ແລະຕ້ອງຍອມຮັບວ່າຊີວິດຄູ່ຄວນພົບກັນເຄີ່ງທາງ ເຂົ້າໃຈເຖິງຄວາມແຕກຕ່າງທາງອາລົມແລະອົດທົນຫາກເຮົາຮູ້ວ່າພວກເຂົາຈະຢຸດແຄ່ນັ້ນ ແຕ່ຫາກເຖິງຂັ້ນເຮັດຮ້າຍຮ່າງກາຍ ຕ້ອງໃຊ້ກົດຫມາຍເຂົ້າຊ່ວຍເພື່ອຄວາມປອດໄພໃນອະນາຄົດຂອງເຮົາດ້ວຍ
ຍອມຮັບຖ້າເຈົ້າເປັນຄົນຜິດ
ກໍລະນີທີ່ແຟນໃຈຮ້າຍເມື່ອເຮົາເປັນຄົນສ້າງບັນຫາຈົນເກີດນາທີວິກິດ ວິທີຮັບມືຄືເຮົາຄວນຂໍໂທດແລ້ວຖອຍອອກມາກ່ອນ ແລະເຖິງວ່າບາງກໍລະນີຈະບໍ່ມີໃຜຜິດ ການຕັ້ງກົດວ່າຕ້ອງຮູ້ຈັກຂໍໂທດກັນ ຈະຊ່ວຍຫຼຸດບັນຫາເລື່ອງອາລົມໄດ້ດີທີດຽວ ແລ້ວຄ່ອຍປັບຄວາມເຂົ້າໃຈກັນພາຍຫລັງ
ຖ້າເວລາທີ່ເໝາະສົມ
ຫາກແຟນກຳລັງ ‘ຂອງຂຶ້ນ’ ຈະຕ້ອງເປັນຝ່າຍຂົ່ມໃຈໄວ້ກ່ອນ ບໍ່ຕ້ອງຟ້າວຫາຂໍ້ສະຫລຸບຕອນທີ່ກຳລັງຂອງຂຶ້ນທັງຄູ່ ຖ້າໃຫ້ຫາຍອາລົມເສຍກ່ອນດີກວ່າ ແລະລະຫວ່າງນີ້ເຮົາຍັງໄດ້ທົບທວນເຖິງສິ່ງທີ່ຢາກ