ພິທີຖະແຫຼ່ງຂ່າວການ ກະກຽມຈັດການແຂ່ງຂັນກິລາ ບານເຕະສື່ມວນຊົນທັງພາກ ລັດ ແລະ ເອກະຊົນ ໄດ້ຈັດຂຶ້ນ ເມື່ອມໍ່ໆຜ່ານມານີ້ທີ່ສະມາຄົມ ນັກຂ່າວແຫ່ງ ສປປ ລາວ ໂດຍເປັນປະທານຂອງທ່ານ ບຸນມະນີ ພົມມະສານ ປະທານ ສະໂມສອນລວມສິລະປິນລາວ ໂດຍມີທ່ານ ສົມສະໜຸກ ມີໄຊ ຮອງປະທານສະມາຄົມນັກ ຂ່າວ ແຫ່ງ ສປປ ລາວ ແລະ ສື່ມວນຊົນເຂົ້າຮ່ວມ.
ທ່ານ ບຸນມະນີ ພົມມະ ສານ ກ່າວວ່າ: ເພື່ອເປັນການ ສ້າງຂະບວນການຕ້ອນຮັບ ການ ສະເຫຼີມສະຫຼອງວັນສຳຄັນ ຂອງຊາດ ໂດຍສະເພາະວັນ ຊາດ ທີ 2 ທັນວາ ຄົບຮອບ 40 ປີ ໃຫ້ເປັນຂະບວນຟົດຟື້ນ, ອີກດ້ານໜຶ່ງກໍເພື່ອເປັນການ ພົບປະສ້າງຄວາມສາມັກຄີຮັກ ແພງບັນດາສື່ມວນຊົນດ້ວຍ ກັນ, ກິດຈະກຳດັ່ງກ່າວຄາດ ວ່າ: ຈະກຳນົດເອົາວັນທີ 25 ພະຈິກ 2015 ນີ້.
ສຳລັບການແຂ່ງຂັນຈະ ກຳນົດເອົາພຽງ 16 ທີມ (ເດີ່ນ 7 ຄົນ) ແບ່ງອອກເປັນ 4 ກຸ່ມ ແຕ່ລະກຸ່ມແຂ່ງຂັນພົບກັນໝົດ ຄັດເອົາທີ 1 ແລະ 2 ຜ່ານເຂົ້າ ຮອບຕໍ່ໄປ. ສ່ວນສະຖານທີ່ຈັດ ການແຂ່ງຂັນແມ່ນສະໜາມ ເຕະບານຫຍ້າທຽມ ກູດໄລ້ ເມືອງສີໂຄດຕະບອງ ນະຄອນ ຫຼວງວຽງຈັນ.
ຂ່າວແລະພາບຈາກ: ໜັງສືພິມປະຊາຊົນ