ສຳນັກຂ່າວຕ່າງປະເທດ ລາຍງານໃນວັນທີ 18 ຕຸລາຜ່ານມານີ້ວ່າ ເກີດເຫດຊິ້ນສ່ວນດາວທຽມຕົກຢູ່ເມືອງສຸ່ຍສວນ ແຂວງຈຽງຊີ ປະເທດຈີນ ຊຶ່ງເຊື່ອວ່າເປັນດາວທຽມທີ່ປ່ອຍອອກສູ່ຊັ້ນບັນຍາກາດໂລກ ແລ້ວຕົກລົງມາ ໂດຍຊາວບ້ານໃນທ້ອງຖິ່ນໄດ້ລະບຸວ່າ ກ່ອນຈະພົບກັບຊິ້ນສ່ວນດັ່ງກ່າວ ຫລາຍຄົນໄດ້ຍິນສຽງຄ້າຍລະເບີດແຕກ 2 ຄັ້ງຕິດຕໍ່ກັນ ແລ້ວຕໍ່ມາຈຶ່ງມາພົບຊິ້ນສ່ວນດັ່ງກ່າວນີ້ ຊຶ່ງມີຂະໜາດໃຫຍ່ ແທກຄວາມຍາວໄດ້ເຖິງ 10 ແມັດ, ໂຊກດີທີ່ບໍ່ມີໃຜໄດ້ຮັບບາດເຈັບ ຫລື ສ້າງຄວາມເສຍຫາຍແກ່ຊັບສິນໃດໆ.