- ຮອບຮູ້ເລື່ອງລົດ
ນັກຂັບທີ່ດີຈະຕ້ອງຮອບຮູ້ເລື່ອງລົດທີ່ຂັບຂີ່ເປັນຢ່າງດີ ໝັ່ນກວດຕາແກ້ໄຂຂໍ້ຜິດພາດຢູ່ສະເໝີ ໂດຍສະເພາະຢ່າງຍິ່ງ ກ່ອນອອກເດີນທາງໄກຄວນຈະໄດ້ ກວດອຸປະກອນເພື່ອຄວາມປອດໄພທີ່ສຳຄັນໆ
(1) ເຄື່ອງຈັກ
(2) ຫ້າມລໍ້
(3) ຢາງ
(4) ນັອດບັງຄັບລໍ້
(5) ພວງມາໄລ
(6) ແນວປັດນ້ຳຝົນ
(7) ແວ່ນຫລັງ
(8) ໄຟ
- ຮອບຮູ້ເລື່ອງທາງ
ທາງແຕ່ລະສາຍຍ່ອມແຕກຕ່າງກັນ ໂດຍສະພາບຕ່າງແດນ ແລະ ສະພາບແວດລ້ອມ ຖ້າເປັນເສັ້ນທາງບໍ່ເຄີຍໄປ ຄວນສຶກສາຈາກແຜນທີ່ ຄູ່ມືການທ່ອງທ່ຽວ ຖາມຜູ້ຮູ້ ຫລືເຈົ້າໜ້າທີ່ຜູ້ກ່ຽວຂ້ອງ ເຊັ່ນ ກົມທາງຫລວງ, ຕຳຫລວດ ແລະອື່ນໆທີ່ສຳຄັນ ທີ່ສຸດທ່ານຈະຕ້ອງສັງເກດແລະປະຕິບັດຕາມທາແລະເຄື່ອງໝາຍຈະລາຈອນ
- ຮອບຮູ້ເລື່ອງວິທີຂັບລົດ
ການຂັບລົດເປັນສິນລະປະຢ່າງໜຶ່ງ ຂັບລົດເປັນຢ່າງດຽວບໍ່ພໍ ຕ້ອງຮູ້ວິທີແກ້ໄຂ ບັນຫາສະເພາະໜ້າໄດ້ໂດຍກະທັນຫັນ ແລະສາມາດຫລີກລ້ຽງອຸປະຕິເຫດທີ່ເກີດຂື້ນ ໂດຍບໍ່ໄດ້ຄາດຄິດ ເນື່ອງຈາກຂາດຄວາມຊຳນານ
- ຮອບຮູ້ເລື່ອງກົດຈະລາຈອນ
ກົດຈະລາຈອນມີໄວ້ເພື່ອໃຫ້ຜູ້ໃຊ້ລົດໃຊ້ຖະໜົນປະພຶດປະຕິບັດໃນແນວດຽວກັນ ເພື່ອ ຄວາມປອດໄພແລະຄວາມສະດວກວ່ອງໄວ
- ຮອບຮູ້ເລື່ອງມາລະຍາດໃນການຂັບລົດ
ມານຍາດໃນການຂັບລົດມີຄວາມສຳຄັນບໍ່ໜ້ອຍໃນການໃຊ້ລົດໃຊ້ຖະໜົນ ແນະນຳແລະໃຫ້ອະໄພ ຕໍ່ຄວາມຜິດພາດຂອງຜູ້ອື່ນ ແລະຫລີກລ້ຽງການສະແດງມາລະຍາດທີ່ບໍ່ສົມຄວນ
|
